من دڤێت وەكو وێنەگرەكێ ئازاد كار بكەم
عەیشا عەجیب:
وێنەگر (بنار ئەحمەد زاخۆیی) د دیدارەكێ دا بۆ رۆژنامەیا ئەڤرۆ گۆت: دژیێ دوازدە سالیێ ئەز ل بەر دەستێن بابێ خوە فێری كارێ وێنەگرتنێ بووم، ئەو بۆ من پشتەڤانەكێ گەلەكێ بهێز بوو، لەورا هەتا نوكە یێ بەردەوامم و هیڤیا من ئەوە د پاشەرۆژێ دا ببمە وێنەگرەكێ پرۆفیشینال.
هەروەسا گۆت: هەردەم ئەز دبێژم هەموو دەما یا گرنگ دوێنەی دا ئەوە هزرەكا زەلال و رۆناهیەكا باش و گوشەیەكا دروست هەبیت، هەروەسا هەتا نوكە من نەڤیایە ل چو جهان كاربكەم، چنكو ناڤ دێ بۆ وی جهی بیت، بەلكو من دڤێت هەردەم وەكو وێنەگرەكێ ئازاد كاربكەم، دا بگەهمە ئارمانجا خوە.
