من دەنگێ خەلكەكی گەهاندیە
دلۆڤان هالۆ:
رێدار سلێمان، پەیامنێر و تەكنیكار ل كەنالێ (دەلال تیڤی) د دیدارەكێ دا بۆ رۆژنامەیا ئەڤرۆ گۆت: ل سالا 2006 ئەز هاتیمە د ناڤ بۆارێ راگەهاندنێ دا و ل دەستپێكێ وەكو بێژەر ل رادیۆیا دەلال دەنگێ گەنجان من كاركر و پشتی دەمەكی من كارێ تەكنیكاریێ ژی كر و نوكە ب كارێ خوە یێ دلخۆش و ئارامم.
هەروەسا گۆت: نوكە ئەز پەیامنێرم ل دەلال تیڤی و ب رێیا ڤی كەنالی من دەنگێ خەلكەكی گەهاندیە جهێن پەیوەندیدار و خۆشحالم كو گەلەك داخوازی و گازندەیێن وان هاتینە چارەسەركرن، بۆ زانین ل دەمێ بۆری گەلەك داخوازی ژ هندەك كەنالێن راگەهاندنێ بۆ من هاتینە، لێ ئەز نەچووم.
