من شوو كر ژى به‌لا خوه ژ من ڤه ناكه‌ت
ئه‌ڤرۆ نيوز، شه‌هلا رێكانى:
ژنەکا 24 سالی دلێ خوە بۆ ئەڤرۆ ڤەدکەت و دبێژیت: ئەڤە دو سالە من شوو کری بەری ئەز شوو بکەم من و گەنجەکی حەز ژ ئێکدو دکر لێ مالباتا وی د رازی نەبوون کو من بۆ بخوازن، نھا پشتی من شوو کری ئەو کورە تێلەفونا بۆ من دکەت و بەلا خوە ژ من ڤەناکەت و پەیڤێن دلینیی دبێژیت و گۆت نەشێم بێ تە بقەتینم، من نەڤێت ئەڤ تێکەلیە ھەبیت بەس راستی ئەز ژی نەشێم وی ژبیر بکەم ، لێ ئەز یا دترسێ دا دژیم نەکە ھەڤژینێ من ڤێ چەندێ بزانیت ئەڤجا ھیڤیە بێژنە من کا ئەز چ بکەم و چاوا خوە ژ ڤی گەنجی دوور بکەم ؟
خانما ھێژا:
دڤێت تو ھەموو شیانێن خوە بکار بینی دا سەرکەفتیانە د وێ سەربورێ دا دەرباز ببی و باشترە ب زووترین دەم خوە ژ ڤی گەنجی دوور بێخی بەری کو ھەڤژینێ تە بزانیت، ژ بەر کو ھەکە ھات و ئەڤ چەندە زانی ھەم دێ ئاریشە د ناڤبەرا تە و ھەڤژینێ تە دا پەیدا بن و ھەم ژی دێ د چاڤێن زەلامێ خوە دا شکێی و ل بەر سار بی و مادەم ھەڤژینێ تە باوەری ب تە ھەیە، دڤێت تو ل دووڤ وێ باوەریێ بی و خیانەتێ نەکەی، ئەڤە ژ لایەکێ ڤە و ژ لایەکێ دی ڤە دڤێت تو بێژیە وی کوری ئەڤا بەری شووکرنا من ژبیر بکە و وەسا دانە وەکو خەونەکێ و ب دووماھی ھاتیە و ب عەقلانە تەماشەی ژیانێ بکە و ئەڤ کارە کارەکێ شاشە دڤێت مرۆڤ بەرپسیار بیت ژ رەفتارێن خوە.
بەرسڤدان : تایبەتمەندێ دەرونی د. محەمەد سەعید کزویی
بۆ په‌يوه‌نديێ ب ڤێ گۆشێ ڤێره كليك بكه
