من كچه‌ك يا هه‌يى و دلێ منێ كه‌فتيه كچه‌كێ
ئه‌ڤرۆ نيوز:
زەلامەکێ خێزاندار دلێ خوە بۆ رۆژنامەیا ئەڤرۆ ڤەدکەت و دبێژیت: ئەز و کچەک حەز ژ ھەڤدوو دکەین و یا رازیە کو شوو ب من بکەت بەلێ دایکا وێ یا رازی نینە و ناھێلیت دبێژیت ژ بەر کو یێ ب ژنە و دیسا ژ بەر مامێن وێ قەبوول ناکەن و کچک ژی بەردەوام د گەل من دئاخڤیت لێ نھا دبێژیت بلا ئەم ھەڤال بین د گەل ئێک و ب دلێ مالا مە نینە شوو ب تە بکەم بۆ زانین من کچەک ھەیە و ئەز ھیڤیدارم بۆ من چارەیەکی بێژن چونکی ئەز گەلەک ھزرێت وێ دکەم ھون چ دبێژن ؟
برایێ ھێژا :
تو خودان خێزانی و تە زارۆ ھەنە باشترە تو ھزر و کار بکەی بو بەختەوەرکرنا وان ژ بەر ئەو ئەمانەتن ل دەف تە و دڤێت تو ھەست ب بەرپرسیایەتیا کاری بکەی و باشترە تو عەقلانە تەماشای ھەر کارەکی بکەی و بزانە لایێ سوزی ھەردەم گوھورین ل سەر دھێن نەخاسمە ئەگەر تو ژ لایێ عەقلی ڤە خوە بەرھەڤ بکەی دێ ھەردەم چاڤ ل سەربورەکا دیتر بكه و پاشی دێ بیتە رەفتارەک ل دەف تە و خێزان و ژیانا تە دێ بیتە قوربانێ ڤان دیتنا ئەڤجا باش ھزرا خوە بکە و نەخشێن دروست دارێژە ژ بو شادکرنا خوە و خێزانا خوە، ھەروەسا ھزرا گەلەک کچا یا ده‌مى یە و خوشیا حازر یا زالە ل سەر ھزرێن کووور و درێژ ژ بەر زالبوونا لایێ سوزی لدەف وان و ھەروەسا ترسا قەیرەبوونێ نەخاسمە ل دەف وان ئەڤێن دەورو بەر پر سەربور ئەڤجا ب ساناھی چاڤێن وان یێ رزگاربوونێ نزانن دبیت ئەو رێک پتر ژیانا وان تێک ببەت لەوما ب دیتنا مە تو ب تێگەھشتنەکا پێشکەفتی دیتنێن خوە ب ھەلسەنگینە و پاشی بریارا بدە .
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123