من ل بەر نینە سترانێن دوقۆلی بێژم
هەرهین محەمەد:
سترانبێژ (ئەحمەد یەحیا) د دیدارەكێ دا بۆ رۆژنامەیا ئەڤرۆ دیاركر كو نوكە ئەو مژوولی چێكرنا كلیپەكێ یەب ناڤێ (خۆزی) ژ پەیڤ و ئاوازێن ئەحمەد عیسا فتاح و نوكە دقوناغا كلیپكرنێ دایە و ل بەرە ل نێزیك بهێتە بەلاڤكرن.
هێشتا گۆت: سالا نە من كلیپەك یان دو چێكرینە و پشكداری ئاهەنگان بوویمە و هیڤیا من ئەوە ب رێیا سترانگۆتنێ من شیا بیت خزمەتا خەلكی كربیت و گەلەك جاران رێز ل مە دهیتە گرتن و هەكە مرۆڤی زانی مرۆڤی رێزگرتن و گوهدارێ سترانا خوە نەبوو ل وی دەمی دێ دەست ژ سترانگۆتنێ بەردەت و د ل گەل هندی نینم سترانبێژ سترانێن هونەرمەندێن نەمر كلیپ بكەن و خوە تێدا دیاربكەن و بتنێ بلا سترانێن وان ل ئاهەنگ و دیدارێن تیڤیان و فەستیڤالان بێژن، چونكو دەمێ كلیپ دكەت و خوە تێدا دیاردكەت نفشێ نوو نوزانیت كییە خودانێ ڤێ سترانێ و دێ هزركەت ئەڤ كەسێ سترانگۆتی یا وی یە، بۆ زانین من ل بەر نینە چو جاران سترانا دوقۆلی بێژم، ب تایبەت ل گەل كچان و خوە دكلیپێن خوە دا كچێ بكار نائینم، بەلێ ب مەرجەكی هەكە ستران وەكو چیرۆكێ بیت گرنگە كچ تێدا هەبیت.
