من نامەیەكا رۆهن گەهاندیە
هەرهین محەمەد:
پەیكەرساز و شێوەكار(سەلیم حسێن) د دیدارەكێ دا بۆ رۆژناما ئەڤرۆ گۆت: پتریا بابەتێن من د هزری نە و هەر دەمەكێ هزرەكا جوان بۆ من چێبوو دكەمە كارەك و نیشا ددەم و ئەو بابەتێن ئەز چێدكەم پتریا وان ل سەر زارۆكی و نە گەلەك گرنگیێ ب زارۆكان ددەم، چونكو زارۆك بنیاتە و هەكە مرۆڤ شیا بنیاتەكێ باش بۆ وان ب دانیت دێ شێت نڤشەكێ باش و ساخلەم دروستكەت و من دگەڕا شازدێ یا گەلەریا دهۆكێ كارەك نیشادا ئەوژی دەربرین ژ زیانێن تەكنەلۆژیایێ بۆ زارۆكی دكر هەر دزكێ دایكێ دا و هەتا كو مەزن دبیت. سەلیمی گۆت: هەركارەكی دكەم ب تایبەت هەكە یێ گرێدای زارۆكی بیت ب رەنگێن گەڕم چێ دكەم داكو چاڤێ بینەری بكەڤیتە سەر و بەگراوەندێن دی دكەمە رەنگێن سار و من دڤێت نامەیا خوە ب گەهینم و هەتا رادەیەكی ژی ب كارێن خوە یێن هزری من شیایە نامەیا خوە بگەهینم و دخۆلا گەلەریێ دا یا ئەڤ من نامەكا رۆن گەهاند و بینەران هەمویان ژی ئەو نامەیە دیت و هەستپێكر.
