من نه‌هێله
گه‌ر تۆ نه‌بی
بێ بوهایه بێ ئه‌رزشه
تم ده‌م وجه
ناڤ شه‌ڤا تو هه‌یڤ نه‌بی
ستێر ناكن سه‌مایێ
ئه‌سمان دبت عه‌ورێ ڕه‌شه
یێ ب دوومان وتۆز
برووسی دگه‌لێشن دلی
ل ناڤ په‌ڕاسییان
دئاسوویی دا نابن شه‌فه‌ق
باو و باران دبنه لێفان
ل ناڤ ده‌ریای گه‌می نه‌بی
پێل و باڕۆڤه دێ شلقینن هێر ڤه وهۆ ڤه
چارۆك كه‌ردبن پرت دبن
نابن چوو كه‌نار
رووبار و كانی شێلی دبن نامینن سازكار
باغ وگول
مینا گول شلێران سه‌رنشیڤ دبن
دمینن خه‌مگین
كه‌و و بولبول ئاوازا ناخوینن
چیا و گه‌ڤر ژێ رادبن ڤۆلكان
سار نابن كه‌لێ دادڕێژن
دۆل هشك دبن ژ سوولاڤان
جۆت دمینن بێ كێلان
بێده‌ر ل ناڤ ناگه‌ڕن جه‌نجه‌ر
گه‌ر تو نه‌بی بیابان
خیزێ شاریایی ستریا ددنه بای
ل ناڤ وه‌رزا نابت بوهار
پاییز خوه دسه‌پینت
بابه‌لیسك ب هێزه
چاڤ فرمێسكان درێژِن
موو قژ دبن گژ دبن
نامینن چو هه‌مبێز
په‌یڤ دمینن ئاسێ
ل ناڤ گه‌ریێ بێ واتا
گه‌ر تو نه‌بی نینن چو ڕوگه‌ه
له‌ش ژ هه‌ر چوار لایه‌نان ڤێ دكه‌ڤن خه‌نجه‌ر
دبنه پرت و كه‌ر
برین دمینت بێ سارێژه
ته‌حله تا یا درێژه
گه‌ر ئالا نه‌هه‌ژت ل ناڤ ئالا
وه‌ك گول سیسن و هه‌لالا
ژیان دچت ڤالا
ب سالان ئه‌ڤ ڕه‌وشه
بێ ته ناكن گه‌شه
هه‌ر تووی خه‌ون و خه‌یال
من نه‌هێله
هه‌ر تووی ده‌رمان.
حسنی عه‌لی رێكانی
