من هەر ژ زاڕۆکینیێ حەزا ژەنینا سازێ هەبوو
بێوار حەمدی:
مۆزیکژەن (عومەر عەبدولوەحید) کو بۆ دەمێ 20 سالانە مۆزیکێ دژەنیت د دیدارەکێ دا بۆ بەرپەرێ هونەری یێ ڕۆژناما ئەڤرۆ گۆت: هەر ژ زارۆکینیێ من حەزا ژەنینا سازێ هەبوو و هەتا نوکە ژی ئەز یێ بەردەوامم.
عومەری دبەردەوامیا ئاخفتنا خوە دا گۆت ژی، من بەشێ مۆزیکێ ل پەیمانگەها هونەرێن جوان خواندیە ودەمێ پێبج سالان من ب باشی ل سەر نوتا مۆزیکێ یا ئامیرێ عودێ خواندیە وگۆت: پەیمانگەھ دەرفەتەکا باش بوو کو پتر حەزا من ل سەر مۆزیکێ زێدەتر لێبکەت و بڕێیا تیوری و پراکتیکی ئەز پتر فێرکرم.
هەروەسا دیار کر کو ژبلی سازێ ئەز گەلەک ئامیرێن دی ژی دژەنم وەکو (عود، جمبش، تارجمبش، ئیقاع) لێ پتری هەمیان حەز ژ ژەنینا سازێ دکەم وگۆت: ژەنینا چ ئامیرەیێن مۆزیکێ یابزەحمەت نینە، بەلێ دڤێت مرۆڤی حەز بۆ مۆزیکێ هەبیت داکو بشێت هەر ئامیرێ وی بڤێت بژەنیت.
ل دووماهیێ عومەری گۆت ئەز نوکە ئەنداریارێ دەنگی مە ل کەنالێ وارتیڤی و من ل فیستەڤال و ئاهەنگان دگەل چەندین هونەرمەندێن بەرنیاس کارکریە، لێ بمخابنی ڤە جڤاکێ مە ژلایێ هونەری ڤە یێ بێ خودانە و پتر دەرفەت ب هونەرمەندێن بیانی دهێتەدان.
