من و تە
زەنون سلێڤانەیی
ئەرێ ل بیرا تەیە
هێشتا ئەز و تو
پێكڤە زارۆك بوون
من و تە پێكڤە
بدەستێن خوە
ژ ئاخەتەقنێ
خانیكێن بچویك
ب رەخ ئێكڤە چێدكرن
بگڕنژین تە دگۆتە من:
گەر ئەز و تو
زوی مەزن بووین
خانیكێن من و تە
دێ ب رەخ ئێك ڤە بین.
ئەرێ ل بیراتەیە
دەما چاڤێن من
ب دێمێ وێ زارۆكینیا تە دكەت
ئەو رویێ تەیێ
نازك و شرین
ل بەر تیرۆژكێن
هەتاڤا كەلە گەرما
وێ هاڤینێ
رویێ تەیێ ڤەمایی و
ڕەش ئەسمەری
تویا دوێ كرێتیا خوە دا
چەند یا نازك و شرین بووی
كەزی یێن تە یێن ڤەرهێلایی
جار جاران
من دگۆتە تە
هەر تو یا دزانی
هێشتا ئەز و تو
زارۆك بوون
من و تە ژمێژ وەرە
ئێك و دو یێن ڤیایی.
