من پەیاما خوە یا گەهاندی
هەرهین محەمەد:
ئەمیر عەلی، پەیامنێرێ كەنالێ دهۆك تیڤی، ل ئیدارەیا سەربەخۆیا زاخۆ، د دیدارەكێ دا بۆ رۆژنامەیا ئەڤرۆ گۆت: پەیامنێری بۆ من پێشەیەكا ئازادە و هەموو خۆشی و نەخۆشیێن وێ ژی بۆ من دخۆشن و ئەو كەسێ دبیتە پەیامنێر یێ ئامادەیە ببیتە پێشكێشكار و بێژەر ژی، چونكو پەیامنێر گەلەك زەحمەتێ دبەت هەتا پەیاما خوە دگەهینت، بەلێ د بێژەریێ و پێشكیشكاریێ دا تشتێ ئامادەكریە و بتنێ ئەو پێشكێش دكەن و دبینم د هەركارەكی دا
یێ كو مرۆڤ دكەت دڤێت یێ خۆدان وژدان بیت و راگەهاندن ژی ئێك ژ كارێن گرنگ و فەرە و دڤێت ب راست و دروستی و ب وژدان پەیامێ بگەهیت و ئەو وژدانیە دبیتە ئامرازەكێ راستەقینە بۆ خەلكی و دبیتە جهێ باوەریێ و راگەهاندكارێ راستەقینە ئەوە یێ كو گەلەك گرنگیێ ب دەمی بدەت و هەر ژڤانەكێ دانیت بۆ دیدارا چاڤپێكەفتنێ دڤێت ل دەمی یێ ئامادە بیت و هەركارەكێ من ئەنجامدای من پەیاما خۆە گەهاندیە و چ پەیامنێرێ كوڕ بیت، یان كچ چ جوداهی نینە.
