من چ ھەست بەرامبەر نینن
ئه‌ڤرۆ نيوز:
کچەکا ٢٥ سالی دلێ خوە بۆ ئەڤرۆ ڤەدکەت و دبێژیت: ئەز دەرچویا زانکویێ مە و نھا ل کومپانیەکێ کار دکەم ئەڤە سالەکە نیاسەکێ مە دڤێت شوو پێ بکەم چەند بێژی گەنجەکێ رێک و پێک و خودان کەسایەتی یە، بەس ئەز ھندی ھزرێت خوە دکەم ب چ رەنگا نەشێم شوو پێ بکەم و من چ ھەست بۆ نینە ئەو ژی ھەر یێ ل ژڤانا من چەندین جارا من یا گوتیێ ھێڤی دکەم رێکا خوە بگرە و ئێکا دی بینە دژیانا خوەدا چونکی من چ ھەست بو تە نینە بەرسڤا وی بۆ من ئەڤەیە و دبێژیت دێ ھەر ل ھیڤیا تە مینم بەلکی بوچونا تە بھێتە گوھۆڕین و سەرەرای کو چ جارا بۆچونا من ناھێتە گۆھورین و بۆ من گەلەک نەخوشە ئەو ھەر ل ژڤانا من بیت و نەشێت ژبەر من چ بریارێت دی بدەت ئەڤجا ھێڤی دکەم ھون چ دبێژن و ئەو چ بکەم چارە چیە ؟
کچا ھێژا :
بزانە کچ یان کوڕ لدووڤ ھندەک ساخلەتێن د مێشکێ وان دا کو د بورینا دەمی دا ھاتینە دروست کرن دیتنێن ھەڤژیینا خوە د ئایندە دا و لدووڤ وان وەک پیڤەر کەسێ دی د ھەلبژێریت و دبنە ئەگەرێ حەز و کەرباتیا کەسانێن دی بێی ھەست پێ بکەت کو یێن لاشعورا وان دا و یا زاڵە لسەر ھزر و رەفتارێن وان لەوما گەلەک جارا دبێژن من حەز لێ کر، بدیتنا ئێکێ یان ھەر ژدیتنا ئێکێ نەچویە ددلێ من دا بیێ کو بزانن باشی و خرابیێن وان و پرانیا جارا ئەو دیتن بەروڤاژی نە، لەوما وەسا دیارە ساخلەتێن وی نە لدووڤ فورما تەنە. باشترە پێک ئینانا خێزانێ لسەر بنەمایێن ئەڤینی یا دروست و پاکژ بیت بەلێ گەلەک جارا و لدووڤ ئەنجامێن ڤەکولینا ھەلوەشاندن د دووڤدا دھێت ژبەر نەتێگەھشتنا وان و ئەو وێنێ ھاتیە دروستکرن د میشکێ وان دا ژبەرکو بەرپرسیاریەتیە و ئەرکێ مەزن ددووڤدایە و ئەوان خو بەرھەڤ نەکریە ئەڤجا توشی ئاریشا دبن و شیانێن چارەسەرکرنێ نینن ولدوماھیێ بمخابنی ڤە دھەلوەشیێن، نوکە باشترە بو کچێ یا وورد بیت د ھەلبژارتنا ھەڤژینی دا ژبەر کو ساخلەتێن ب سەرڤە سەرڤە خاپاندن ددووڤدا دھێت ئەڤجا دوبارە باشترە بوتە ھزرا ب ساخلەتێن کەسێ دی بکەی و پاشی بریارێ وەربگری .
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
