من ژمارا خوه دا شوفێرێ ته‌كسيێ
کچەکا ٢٦ سالی دلێ خوە بۆ روژناما ئەڤرو ڤەدکەت و دبێژیت: ئەز ل قوناغا ١٠ ئامادەیی دخوینم ل ئێڤاران من خواندنا خوە ھێلا بو پاشی لێ زڤریم بەلێ ئاریشا من ئەوە بەری ھەیڤەکێ من تەکسی گرت دا چمە جھەکی ئەز و خودانێ تەکسیێ کو ژیێ وی ٣٤ سالە لگەل ئێکدو ئاخفتین و پاشی زی داخواز ژ من کر کو ژمارا خوە بدەمێ و مە ژمارێن خوە دانە ئێک و ئەم پێک ھاتین وی بەحسێ خوە و مالا خوە بو من کر ئەز رازی بوم کو شوی پێ بکەم من و گەلەک حەز ژێ دکر و وی ژی ھەروەسا پاشی خوە ژ من ڤەکێشا و ئەز ھێلام ژمارا خوە ژی یا گرتی خەوێت شەڤا لمن حەرام کربون و نەدھێلا نە ب شەڤ بنڤم و نە ب روژ ھەر دڤیا ئەز دگەل بم، نزانم ئەگەر چنە ل خارج بو لێ ب خلاسی زڤریبوڤە نوکە ئەز گەلەک یا ئارام نینم ئەڤجا ھیڤیدارم ھوین چ دبێژن و ئەز چ بکەم؟
کەچا ھێژا :
تو کچەکا بچوک نینی دڤێت تو بڤی ئاوای نەبایە و نەترسە ژ ژیێ خوە و بزانە نەشویکرن گەلەک باشترە ژ شیەکی پەشیمانی د دووڤدا بھێت و نوکە گەلەک کار ھەتا ھەکە د شاش بن رێکێن بژارە یێن ھەی بەلێ قوناغا پێکئینانا خێزانێ دێ گەلەک بزەحمەت بن لەوما ئاگەھداربە و بھیری کارا ئەنجام بدە دا پەشیمان نەبی مخابن وەسا بساناھی تو بێیە خاپاندن وباوەر بکە کەس رازی نابیت ب چەند خولەکا پروژێ خێزانێ پێک بینیت و ھەکە پێک ھات برێژەکا مەزن یێ سەرکەفتی نابیت و بزانە ھەر کەسەکی گومان دێ ھەبیت لسەر وێ کچا بچەند ئاخفتنا د ترومبێلێ دا پروژەکی دوم درێژ لسەر ئاڤا بکەت ئەڤجا دووجارا ھزرا خوە بکە دەمێ تو ڤان جورە بریارا وەربگری، ئەز تەمەنا دکەم کو شوفێرێن مە کچێن خەلکی بپارێزن وەکی پارازتنا خوشکێن خوە ھەرچەندە پرانیا شوفێرا خودان پەروەردەکا باکژن و یێن لبەر رزقێ خوە راوەستیانە و ھیڤیا ژیانەکا باش بو ھەموویا دخوازم .
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123