من کر و ھندەکێن دی خار
ئەڤرۆ:
کارمەندەکێ رۆژناما ئەڤرۆ دا دیارکرن کو ئەو خوە ب مەغدۆر دزانیت، چونکو وی پێشنیازا دەستنیشانکرنا رۆژەکێ بۆ جلکێن کوردی کربوو، لێ ھندەکێن دی خوە ب خودان زانین و خەلات ژی وەرگرتن.
ئەحمەد شێرانێ کو نوکە تایپلێدەرێ رۆژناما ئەڤرۆ یە دبێژیت: ل سالا ٢٠٠٩ من فلمەکێ دکیۆمەنتی ب ناڤێ (وەرزێن سالێ و مێژوویا کوردان) چێکربوو، کو ل قوتابخانا (ھەژار موکریانی) بوو، دەستپێکا فلمی بەحسێ قوتابیان دکەت کا چاوا جلکێن کوردی دکەنە بەرخوە و خوە ڤەد دزن و دچنە ناڤ قوتابخانێ بیێ کو مامۆستایێ وان بزانیت.
ھێشتا گۆت: دەمێ مامۆستا دھێتە دناڤ پۆلێ دا ب دیتنا قوتابیان و جلکێن کوردی یێن ڕەنگین کەیفخوەش دبیت و پرسیارێ ژ قوتابیان دکەت ئەڤە چ ھەلکەفتە ھەوە جلکێن کوردی کرینە بەرخوە؟ دبەرسڤێ دا ھەموو قوتابی پێکڤە دبێژنێ: (مامۆستا مە دڤێت ب جلکێن کوردی بھێنە قوتابخانێ، دا ھەموو ھەفالێن مە بزانن و ئەم حەزدکەین ھەموو قوتابی ب جلکێن کوردی بھێنە قوتابخانێن خوە, چونکو ناسناما ھەر وەلاتەکێ ب فۆلکلۆر و کلتۆری وی دھێتە نیاسین
ل دووماھیێ گۆت: ئەو فلم گەلەک جاران ل سەر شاشا کەنالی َ (دھۆک تیڤی) ھاتیە نیشادان و چەندین ھەڤالان پشتەڤانیا من کریە، لێ ھندەک کەس ھزرا خوە د وی فیلمی دا ناکەن و دبێژن ھزرا دەستنیشانکرنا رۆژەکێ بۆ جلکێن کوردی مە یا پێشنیازکری ، بەلێ بۆ من جھێ سەرفەرازیێ یە، چونکی من بەلگەیێن خوە یێن ھەین و ھیڤیدارم جھێن شولەژێ دۆڤچوونەکا دروست ل سەر ڤی بابەتی بکەن دا چ کەس نەبێژن ھزر یا مەیە.
