من گەلەک بەحسێ وێ لنک ھەڤالێن خوە دکر
ئه‌ڤرۆ نيوز:
گەنجەکێ 28 سالی دلێ خوە بۆ ئەڤرۆ ڤەدکەت و دبێژیت: بو ماوێ دو سالا من ھەڤالینیا کچەکێ دکر لێ ب تنێ بۆ دەم بوراندنێ بۆ، من گەلەک بەحسێ وێ ب خرابی بۆ ھەڤالێن خوە دکر و من درەو ل گەلدا دکرن ژبەرکو باوەریا من پێ نەدھات پاش من زانی کو وێ گەلەک ئەز دڤێم و یا راستە ل گەل من ژبەر ھندێ من ژی ئێدی درەو ل گەل نەکرن و راست بووم ل گەل، لێ ژبەرکو من گەلەک بەحسێ وێ لنک ھەڤالێن خوەکر بۆ لەوا نەشیام بۆ خوە بخوازم، ئەو ژی نەچار بۆ شووکر، نھا رسقێ من ناھێت نزا بۆچی ئەڤجا ھوون چ دبێژن و ئەز چ بکەم؟
لاوێ ھێژا:
دڤێت گەنجێ مە خودان رەوشت بیت یێ راستگو بیت و یێ وەفادار بیت دا ھەردەم یێ سەرکەفتی بیت، ژبەرکو دبیت درەو ماوەکی برێڤە بچیت، بەلێ ل دووماھیێ دێ ئاشکرا بیت و ئەو کەس دێ ھەست ب کیماسیێَ کەت و باوەریا دەوروبەرا دێ ژ دەست دەت، لەوما یا باش ئەوە مرۆڤ یێ راستگو بیت ل گەل خوە و ھەڤالێن خوە نەخاسمە ل گەل وی کەسێ مرۆڤ حەزژێ دکەت، ئەڤجا ل خوە بزڤرە و رەفتارا خوە راست بکە و باوەریێ بدە خوە و دیتنێن خراب ژ مێشکێ خوە پاڤێژە و ل جھی َوان گەشبین بە و ب زەلالی سەرەدەریێ ل گەل دەوروبەرێن خوە بکە و یێ راست بە ل گەل خوە و ل گەل ھەموویان دێ گۆھورینەکا باش د ژیانا تەدا چێبیت.
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى
