من گەلەک گەنج دیتینە سترانێن من ژ من خوەشتر گۆتینە
، ھەرھین:
ھونەرمەند عەدنان سالح زاخۆیی ددیدارەکێ دا بۆ بەرپەرێ ھونەری یێ رۆژنامەیا ئەڤرۆ دیارکرکو نوکە ئەو مژووبی چێکرنا سترانەکێ یە بناڤێ (فەلسەفا ژیانێ) کو ژ پەیڤێن ھەلبەستڤان ھەڤال زاخۆیی و ئاواز و سەمیر زاخۆیی نوکە ھونەرمەند عیماد عەلی ل سەر کاردکەت و ژڤانە ل نێزیک تومارکەت و بەلاڤبکەت.
عەدنانی گۆت ژی: بەری نوکە من گەلەک ستران و کلیپ چێکربوون و تەکنیکا وان نەھند یا باش بۆ گەلەک و ھوینگێ ژی مەزاختیەکێ مەزن ل چێکرنا کلیپان نەچوو، بەلێ نوکە مرۆڤ کلیپێ چێکەت، یان نوی بکەت گەلەک مەزاختی دچیت و من گەلەک ستران ھەنە نوو بکەم ب تەکنیکەکا نوو بۆ ڤی کاری ژی دێ گەلەک مەزاختی چیت و من پێ چێنابیت و گەلەک جاران دھێتە گۆتن ئەگەر ستران بھێتە نویکرن تاما خوە ژدەست دەت، بەلێ ل ئەوی دەمی من ھندەک ستران لاواز گۆتینە و ل ئەوی دەمی ژی ل سەر ئێک ستران دھاتە تومارکرن و وێنەکرن ونەوەکو نکە یە ھەرپارچەکێ رۆژەکێ توماردکەن و ل ئەوی دەمی وەسا نەبوو گەلەک جاران تونا دەنگێ مە دھاتە خارێ ئەو چەدە دەرباز بوویە و ئەھا ئەوان سترانان من دڤێت دوبارەکە مە ڤە و نوکە ژی یێ بەردەوامم ل سەر کاروانێ ستران گۆتنێ و ئەو ستایلی من بخوە گرتی ھەر ل سەر ئەوی ستایلی دچم و ل دەستپێکی مە ھەموویان زارڤەکرن دکرن، بەلێ پاشی مە بخوە ستایلەک تایبەت چێکر و ل سەر دچین و ھەروەسا ھەکە ئەز تشتەکی نوکە بێژم وەکو ستران دڤێت ژ یا بەری نوکە بھێزتر بیت، چونکو نوکە ژیی َمن پێنجی و حەفت سالە و بەری نوکە دەمێ من ستران دگۆتین دبیت ژیێ من بیست سال بیت و گەنج بووم و خاما خوشا دەنگی من یا مای، بەلێ پیچەک پێدحەسم ھێزا گەگەنجاتیێ من نەمایە و دسەر ھندێ ژی ھەرسترانا دبێژم و دبیت ئەو پلەیا بلندا بەرێ نەبیچژم، بەلێ ھەریێ بەردەوامم
ئەو چەندە ژی گۆت: بۆ من جھێ شانازیێ یە دەمێ گەنج سترانێن من دبێژن و رامان ژێ ئەوە من تشتە کپێشکێشی مللەتێ خوە کریە ئەڤە چەندین سالە و سترانێن من وەلێھاتینە نڤش بۆ نڤشی بێژن و گەلەک جاران ژی من گۆتیە گەنجێن دەنگ خۆش ستران و بەرھەمێن من یێن ھەوەنە و ھوین دشێن بێژن و کلیپ بکەن و خوە ھوین دەستوریێ ژ من ژی نەوەرگرن و کەیفا من گەلەک ب وان گەنجان دھێت و ئەو گەلەک من بلند کەن دەمێ سترانێن من دبێژن و من گەلەک دیتینە و سترانا من گۆتیە و ژمن خوەشتر گۆتیە.
ل دووماھیێ ژی گۆت: ستراێن من دسوشیالێ دا بەلاڤ دبن و ئەز و ھەڤالێن خوە بەلاڤدکەین، بەلێ نە ئەرکی منە لایڤان ڤەکەم و سترانان بێژم، بەلێ ھەکە ل تیڤیەکێ بەرنامە لایڤ بیت دروستە، بەلێ ل مالا خوە لایڤی ڤەکەم چو جاران نیازامن نینە و ناڤەکەم ژی.
