مهترسى و كاریگهریا راگههاندنێ ل سهر ئارامیا جڤاكى!
نوورى محهمهد سالح بریفكانى
ههر ژ كهڤندا راگههاندن چهكهكێ ب هێز و كاریگهر بوو و رۆلهكێ بهرچاڤ و سهرهكى ههبوو ب تایبهتى ل دهمێ پهیدابوونا شهر و ئاژاوه و خوهنیشادان و قهیران و ههوێن ههلبژارتنان! ههر چهنده ئهركێ وێ گههاندنا پهیاما راست و دروستا ههر روودانهكێ یه وهك خوى بهلام ل زۆربهى ئهڤان كاودانان دا پالپشت و پشتهڤانێ دهستههلاتێ بوویه و روویێ دهستههلاتێ ب باشى و جوانى نیشا ددا حهتا رادهیهكێ زۆر دهزگههێن راگههاندنێ دفهرمى بوون لهوما دهیته هژمارتن وهك دهستههلاتا چارێ !
بهلێ ئهڤرۆ دهزگههێن راگههاندنێ و سۆشیال میدیا ب شیوهیهكێ گشتى ئهڤ قووناغه دهربازكریه و كاریگهریێن وێ رۆژ بۆ رۆژێ ب هێزترلێ دهێن ژ كاریگهریا دهستههلاتا ئێكێ حهتا گههشتیه وى رادهى كو ئهو بخوه دشێت دهستههلاتا ئیكێ دروست بكهت و د ههمان دهم ب روخینیت وهچ چاوا شیایى ل ماوێ بۆرى چهندین دهستههلاتێن ب هێز ب تایبهت یین عهرهبى ب كاریگهریا راگههاندنێ سۆشیال میدیا و تۆرێن جڤاكى برۆخینیت ل دووڤ حهز و ئهجندایێن خوه ئاژاوه و نه ئارامیێ ل ئهوان وهلاتان دا پهیدا بكهت و ههمى ههول هاتنه دان كو ئهڤێ پێلا ئاژاوێ و گرژیێ بگههیننه ناڤا كوردستانێ دا و شیان حهتا رادهى گرژى و ئالۆزیان و نه ئارامیێ ل كوردستانێ ژى دا پهیدا بكهن و تا ئهڤرۆ ژى ئهو پێل یا بهردهوامه ل زۆربهى وهلاتێن دهڤهرێ و نوكه پێلهكا ب هیز ههیه بۆ تێكدان و رۆخاندنا دهسههلاتا شانهشینیا عهرهبستانا سعوودیێ ب تایبهتى پشتى كوشتنا رۆژنامهڤانێ سعوودى جهمال خاشقجى، بهلێ ژبهركو مهرهما وان حهتا رادهى زۆر ب تنێ روخاندنا رژیمێ یه بێ بهرچاڤكرنا رهوشا وهلات و وهلاتیان و چارهنڤیسێ وان لهوما تا نوكه نهگههشتینه ئارمانجا خوه، بهلێ مهترسى و كاریگهریا وێ بهردهوامه. ل سهر ئاستێ ناڤخوهى یێ كوردستانێ ئهڤرۆ راگههاندن كاریگهریهكا زۆر ههیه تا گههشتیه وى رادهى پارتا دروست دكهن ب رێیا راگههاندنا خوه بۆ نموونه ئهگهر ب كاریگهریا كهنالێ KNN نهبا بزاڤا گۆڕان هۆسا ب ساناهى نهدهاته دروستكرن و نه دگههشته گۆپیتكا دهستههلاتێ و ههروهسا ئهگهر NRT ژى نه با چ بزاڤ و لڤلڤین ب ناڤێ نهوهى نوێ نه دبوون و ئهگهر ههبان ژى چ كاریگهریا خوه نه دبوو!
پتریا دهزگههێن راگههاندنێ شیاینه ب چهكێ خوه دوبهرهكى و دلنهرهحهتى و لێكترازانهكا بهرچاڤ و مهترسیدار دروست بكهن د ناڤا جڤاكێ كوردستانێ دا د ههمى بوارێن سیاسى و جڤاكى و ئاینى و عهشائیرى و تهنانهت شاروشار و چكهى حهتا گههشتیه وى ئاستى ئهگهر كیشه و روودانهك حهتا یا سرۆشتى ژى پهیداببیت ل پارێزگهههكا كوردستانێ یان دهڤهرهكا دهستنیشانكرى دێ بینى ل پارێزگهكا دى پتر ژ قهبارێ ئهوێ روودانێ گرنگى و ئازراندنێ ددهنه ئهوى بابهتى كو ئێكسهر ههڤوهلاتى ههست ب هندێ دكهت كو نه گرنگیهكا سروشتى و پیشهیا كارێ راگههاندنێ یه وهك گههاندنا پهیامێ بهلكو گههاندنا پهیامهكا مهترسیداره ل پشت هندهك مهرامین حزبى و تاك لایهنى كو ئهڤ چهنده دبیته جهێ دلنهرهحتیێ و ئازراندنێ و دوبهرهكیێ و دهركهفتنه ژ كارێ رۆژنامهگهریا پیشهى ئهڤى چهندى ههر تاكهكێ كوردستانى ههست پێ دكهت و گههشتیه وى باوهریێ كو چ دهزگههێن راگههاندنا فهرمى ل كوردستانێ نینن كو ههمى ههڤوهلاتى ب بیروبۆچوونین خوه یێن جودا ب دهزگههێ خوه بزانن دوور ژ مهرامین سیاسى و حزبى كو بشێت كوردستانێ و كوردستانیان بگههینته ئێك بۆ بهرژهوهندیا گشتى پێشكهفتنا وهلاتى!
