مه‌حمود محه‌مه‌د: پشكداریكرن نه‌چاریه و به‌روڤاژی مافێ راهێنه‌راتیێ نابیت
ئه‌ڤرۆ،
دهێته چاڤه‌ڕێ كرن ئه‌ڤرۆ ب پشكداریا زێده‌تری 80 راهێنه‌رێن یاریا له‌ش جوانیێ و هۆلێن وه‌رزشی خولا راهێنانێ یا جورێ(b) بهێته ڤه‌كرن ئه‌وا دێ ژلایێ ئێكه‌تیا له‌ش جوانیا پارێزگه‌هێ ب هه‌ڤكاری ل گه‌ل ئێكه‌تیا ئیراقێ یا ڤێ یاریێ و نوونه‌راتیا دهۆك یا لژنا ئۆلۆمپیا كوردستانێ بۆ ماوێ چار رۆژان به‌رده‌وام بیت.
د داخویانیه‌كێدا مه‌حمود محه‌مه‌د سه‌رۆكێ ئێكه‌تیا له‌ش جوانیێ ل پارێزگه‌ها دهۆكێ بۆ رۆژناما ئه‌ڤرۆ دیاركر كو ژبۆ زێده‌تر پووته‌دان ب ئاست و شیانێن راهێنه‌ران ب شێوێ زانستی و ئه‌كادیمی و لدووڤ ده‌ستهه‌لاتا مه دێ خولا راهێنانێ یا باوه‌رناما جورێ (b) ل سه‌ر ئاستێ پارێزگه‌ها دهۆكێ بۆ هه‌موو راهێنه‌رێن له‌ش جوانیێ و هۆلێن وه‌رزش هێته رێكخستن كو ژماره‌كا باش یا مامۆستا و شاره‌زایێن ڤێ یاریێ بشێوێ تیوری و پراكتیكی ل سه‌ر هه‌موو لایه‌نێن گرێدایی ب كارێ راهێنه‌ران ژ خارنێ، چه‌سته‌یی، شێوازێ ئه‌كادیمی یێ راهێنانا و هه‌ر خاله‌كا گرێدایی ب راهێنه‌ران و هۆلێن وه‌رزشی ڤه هێته گۆتن ژوانا یێ ده‌وله‌تی به‌سام ئه‌لزوبێدی، د. محه‌مه‌د محێ، سه‌ردار ئسماعیل.
هه‌روه‌سا ناڤهاتی دیاركر كو ئه‌ڤ خوله دڤێت هه‌موو راهێنه‌ر پشكداربن و نه‌چاریه و به‌روڤاژی بۆ سالا بهێت ئه‌و راهێنه‌ر ماف نابیت وه‌كو كارێ راهێنه‌راتیێ ئێكسه‌ر بكه‌ت بتنێ هاریكار و دێ دووڤچوونا وان ژی هێته‌كرن یێ پێگیر نه‌بیت هێته دوورئێخستن.
