مهزلۆمێ سهردهمێ كهڤن یی بوویه زالمێ وى سهردهمى..!
وهكو ههمى موسلمان ب تایبهت پهیرهوێن مهزههبێ شیعهدزانن نوكه ئهم یێن د ههیڤا محهرهمێ دا و ئهڤه ه و ههیڤه كو دهێته گۆتن و دیاره ژ ئهگهرا بهرجهستهبوونا كێشه و جۆرێ حوكمرانیا یهزید كورێ معاویهیى شهرهكێ گران د ناڤبهرا سۆپایێ ئیمامێ حسێن نهڤیێ پێغهمبهرى (س) و سۆپایێ هنارتى ژلایێ یهزید كوڕى معاویهى ل دهڤهرهك ب ناڤێ كهربهلا دروستبوو و ب وى شیوهى ئێك ژ مهزنترین سۆپایێن وى سهردهمى د بهرامبهر هێزا (72) كهسى یێ ئیمامێ حسێن راوستیا و ههتا گههشته وى رادهى كو ئێدى رێیا ئاڤ و خوارن ل خێزان و زارۆیێن وان گرتن داكو بشێن ئیرادا راستهقینه یا وان بشكێنێن و داگیرانێ ژ ههلۆیستێ خوه بكهن، لێ ب بهروڤاژی ڤهئهڤ ئیراده موكومتر و ب هێزتر لێهات. ههلبهت یا من دڤیت د ڤی بابهتێ خوه دا دیار بكهم ئهڤهیه ئهرێ دهستههلاتدارێن ئێك ل دووڤ ئێكێن عێراقێ سهربۆر و وانێن كو پێدڤى بۆ ژێ وهرگرن وهرگرتیه؟ دیسا فهلسهفا وان بۆ حوكمرانیێ چیه؟ و ژ ههمیان گرنگتر ئهگهر چنه كو مهزلۆمێ وى سهردهمى نوكه زالمه و ب فهلسهفه و بیركرنا بهرێ حوكمرانیێ دكهت؟ ئهڤه ل وى دهمى دایه كو ژ سالا 680 میلادى و ههتا نوكه بهردهام باسێ وى ستهمى دكهن ئهوا ل ئیمامێ حسێن و ههڤالێن گهلدا هاتیهكرن. ئهگهر بهرێ خوه بدهینێ دبینین هێشتا ب ههمان نهفهسا وى سهردهمى حوكمى دكهن و ههلۆیستێ توندێ وان ههمبهرێ گهلی كورد وێ راستیێ بۆ مه دسهلمینت كو بهردهوامیدان ل گهل وان نهتهنها چ دهستكهفتهك بۆ گهلێ كورد ناهێته دى لێ ب بهروڤاژى ڤه ژلایێ وانڤه بزاڤ دهێتهكرن كو ئهوا مه دهستخوهڤه ژى ئینای ژناڤببهن. بزاڤ هاتهكرن كو ب رێیا بڕینا بودجه و مووچێ فهرمانبهران ئیرادا مه لاواز بكهت و ههتا گڤاشتنێن وان ل وى رادهى ژى نه راوستیان و پشتى ریفراندۆما سهركهفتیانه یا ههرێما كوردستانێ ئێدى كار گههشته وى رادهى كو پێ ل ههمى ماف و پرهنسیپان دابنن و كێمترین مافێن ژیانێ ژ گهلى مه وهرگرن و بزاڤێ دكهن ب رێیا راوستاندنا گهشتێن ئهسمانى و سهپاندنا هند سزایێن نه یاسایى و نه ئهخلاقى پهیوهندیا مه ل گهل جیهانا دهرڤه قوت بكهت. ل ڤیرهدا من دڤێت ئاماژێ ب ڤێ چهندێ بدهم كو دهستههلاتدارێن عیراقێ دروست بهروڤاژى عهقایدیێن خوه كاردكهن ژ بهر كو ژلایهكى ڤه ل ههیڤا محهرهمێ دا بهحسێ ستهما یهزید و بێ دهستههلاتی یا ئیمامێ حسێن دكهن و ههتا نوكه ژى بۆ وێ رۆژێ دكهنه گرى و تازى یا دانن و ژلایهكێ دیڤه. ههردهستههلاتدارێن عیراقێ ههمان كارێ یهزیدى دوباره دكهنهڤه و وهسا خواندن بۆ ههلۆیستێ وان دهێتهكرن كو ئێدى مه ژى بیرو باوهرى ب وان نهمایه و ئهگهر بزڤرینه ناكۆكیێن د ناڤبهرا كوردان و حوكمهتا سهددامێ گۆر ب گۆر، لێ چ جار نهگههشته وى رادهى كو بریارێن ب وى ئاواى بدهت سهرهراى ڤێ چهندێ كو گهلێ كورد وهسا هزر دكر ب گوهۆرینا سیستهمێ سیاسیێ عێراقێ ئێدى سهركردێن عیراقێ بهر ب جیهانبینى و هزركرنهكا نوو و سیاسهتهكا ئینسا دۆستانه دچن و خهم و ئازارێن مه ناهێنه ژبیركرن و ئێدى شهراكهت ل عێراقێ دبیته ئاخفتنا سهرهكى یا حوكمهتا بهغدا. لێ پرسیار بۆ گشت وهلاتان ئهوێن درووشمێ ئێكپارچهبوونا عێراقێ راكرى و دڤێن ب زۆر ئه م دگهل ئێك بژین ئهڤهیه، ئهرێ ئهوا خودێ فهرمان بۆ داى كى دشێت بهروڤاژیێ وێ كار بكهت ژ بهر كو كوردستان ب ههمى شیوهیان ڤه جوداهى ل گهل ژێریا عێراقێ یا ههى چ ژلایێ كهلتوورى و زمان و جوگرافى ڤه، یان دابونهریت و سیما و كهش و ههوا ..و ههتا ئهخلاقێ مه یێ سیاسى ژى ل گهل وان جیاوازیهكا زۆر یا ههى؟و ئهرێ پشتى نێزیكى دو هزار شهیدێن شهرێ داعش و هند دهربهدهرى ژبهر كو مه ب شێوهیهكى ئازادانه و دیمۆكراسى بۆچوونا خوه دیاركرى و بریار ل سهربخوبوونێ دایه دبهرسڤ بۆ دیمۆكراسیهتێ سزا و نان برین بێت؟ بۆچى ئهم كورد ژى خودان نشتیمانهكێ سهربخوه نهبین وب سهربخوهیى و بێ كو ههردهم هزر ل برینا میزانیا ههرێمێ ئانكو ههزر ل گڤاشتنا بكهین بژین و یان بۆ گهلهك بریارێن سیاسى و نهتهوهیى هزر ل ڤێ چهندێ بكهین كو ئهرێ ههلویستێ سهركردێن سیاسى یا عیراقێ دچاوا بیت و دیسا ل شوونا پتر هزر ل ڤێ چهندێ بهێته كرن كه چاوا وهلاتێ خوه پێشبێخین و چاوا خزمهتا گهل و نشتیمانێ خوه بكهین، لێ بهروڤاژى یا ڤێ چهندێ پێدڤى یه ههردهم سهركردێن كوردستانێ پلانا دارێژێن كه چاوا دشێن پلانێن شۆفینیا بهغدا ئهوێن بۆ گهلێ مه دارێشتى پووچهل بكهن.
