مه‌زنترین ئالایێ كوردستانێ ل چیایێ مه‌تینا هاته بلندكرن
ئامێدیێ، مه‌حمود نهێلی:
بۆ جارا ئێكێ مه‌زنترین ئالایێ كوردستانێ ل چیایێ بشێشی ل زنجیره چیایێ مه‌تینا، ب هه‌لكه‌فتا رۆژا ئالایێ كوردستانێ هاته بلند كرن.
موراد محه‌مه‌د، رێكخه‌رێ ڤێ چالاكیێ بۆ رۆژناما ئه‌ڤرۆ دیار كر، وان وه‌ك په‌یمانگه‌ها ته‌كنیكی یا ئامێدیێ ب فه‌ر دیت ڤی كارێ پیرۆز ئه‌نجام بده‌ن و گۆت: “مه ب هه‌لكه‌فتا رۆژا ئالایێ كوردستانێ ئالایه‌كێ مه‌زن ل سه‌رێ چیایێ مه‌تینا و ل هنداڤی پێشمه‌رگه‌یێن قه‌هره‌مان بلند كر، مه‌ره‌م ژ ڤێ چالاكیێ ئه‌و بوویه، ئه‌م بۆ پێشمه‌رگان دیار بكه‌ین كو ئه‌م گرنگیێ ب هێزێن پێشمه‌رگه‌ی دده‌ین، له‌و مه رۆژا ئالای ل نك پێشمه‌رگه‌ی ساخ كر”.
گۆتژی: “ئه‌ڤ ئالایه دبیته مه‌زنترین ئالا ل سه‌رێ چیایێ مه‌تینا، درێژاهیا ئالای 20 میترن و فره‌هیا وی ژی 15 میترن”.
