مه‌زنترین بازرگانی ل كوردستانێ یا ده‌رمانانه
ل ڤی ده‌مێ قه‌یرانا ئابووری یا كوردستان تێرا ده‌ربازدبیت پشتی ئابلۆقا ئابووری یا حوكمه‌تا فیدرال سه‌پاندی ل سه‌ر گه‌لێ مه
یافه‌ره حوكمه‌تا هه‌رێمێ هه‌می پێگاڤان بهاڤێژیت داكو چاڤكانێن خوه یێن ئابووری زێده‌كه‌ت و داهاتێ هه‌رێمێ باشتر لێ بهێت، لێ دیسا چاڤدێریه‌كا توند ل سه‌ر هه‌می كه‌رتێن دی ییێن ئابووری هه‌بیت ژبۆ هندێ بازاره‌كێ به‌ره‌لا ل كوردستانێ په‌یدا نه‌بیت تشتێ باش و خراب بهێنه ڤاڤارتن دیسا كونترولا جۆری و بهادانانێ بهێته ئه‌كتیڤكرن دا كو بارێ وه‌لاتیان و ژیارا وان گران نه‌بیت.
بابه‌تێ من یێ گرێدای بهایێ ده‌رمانانه و كونترۆلكرنا جۆری و ئێكسپایرا وان بابه‌ته‌كێ دییه.
ئه‌ڤ بابه‌ته گرێدای وه‌زاره‌تا ته‌ندروستی یه كانێ ڤێ وه‌زاره‌تێ چ رێنما و یاسا هه‌نه ژ بۆ دووڤچوونا ده‌رمانان تایبه‌ت بهایێ ده‌رمانی و چاوانیا چاڤدێریا كه‌رتێ تایبه‌ت ئه‌وێن بازرگانیێ ب ده‌رمانا دكه‌ت، چونكی یا دیاره قازانجه‌كێ مه‌زن د ڤێ بازرگانیێدا ئێك ژ ئه‌ركێن وه‌زاره‌تا ناڤبری بها بێنه دانان ل سه‌ر ده‌رمانان چونكی ب هزرا جۆرێن ده‌رمانان و كۆمپانیێن ده‌رمانن و ژێده‌رێ ڤان ده‌رمانان هه‌نه مه‌حاله وه‌لاتی بشێت ڤان جۆره ده‌رمانان و بهایێن وان بزانیت هه‌كه حوكمه‌ت یا هاریكار نه‌بیت ئه‌و ژی بدانانا بهایه ل سه‌ر ده‌رمانی
ل 30/10 ل دیاربه‌كر چوومه ده‌رمانخانه‌كێ و من پرسیارا هنده حه‌بكێن فشارا خوینێ كر كو هه‌مان كۆمپانی ئه‌ڤه چار ساله ل كوردستانێ ژی دكرم، ده‌ما ده‌رمان دایه من و من پرسیارا بهایێ كرئه‌ز هێبه‌تی بووم ده‌رمان ب نیڤ قیمه‌تا وی ده‌رمانی یه ئه‌وێ ل كوردستانێ دكرم و ل كوردستانێ 118% بها زێده‌تر هه‌كه وه‌ل بازرگان ب كۆم بكریت پشتی دهێته هنارتن بو ژده‌رڤه‌ی وه‌لاتی توركیا 18% دهێته به‌خشین (عفو) كرن ژبهایێ ده‌رمانی وه‌ك باج هه‌لبه‌ت كێمتره ئانكو قازانجێ ڤێ ده‌رمانی ل كوردستانێ 118%، ئه‌ڤه‌ژی كاره‌ساته ده‌رمان ل وه‌لاته‌كێ هه‌ڤسۆیێ كوردستانێ وه‌كێ توركیا قازانج 1118% بیت ما هه‌كه ئه‌و ده‌رمان ژ وه‌لاتێن ئه‌ورۆپی بهێت یان ویلایه‌تێن ئه‌مریكی دێ قازانج چه‌ندبیت؟، خوینده‌ڤانێ خۆشتڤی تو وێ هه‌بمه‌ركرنێ بكه، كو ده‌رمان پێدڤیه‌كا گرنگه پا توچ دبێژی بۆ كه‌رتێ ئاهێن خوارنێ و كه‌رتی پێشه‌سازی و هتد. .. تشته‌كێ سه‌یره هه‌می جۆرێن بازرگانیێ ل دونیایێ رێژه 10% هه‌تا 20% لێ هه بازرگانیه‌ك مفا ژ 100% بووریت كاره‌ساته پشنیاز دكه‌م یان وه‌زاره‌تا ساخله‌میێ كۆمپانیه‌كا نیشتمانی بدانیت كو جۆرێ ده‌رمانی و بهایێ وان یێ گونجای بیت و بشێت هه‌ڤركیا كۆمپانیێن دی بكه‌ت، چونكی كه‌رتێ ساخله‌مێَی ژ هه‌می كه‌رتان گرنگتره و گرێدای ژیان و ساخله‌می وه‌لاتیانه.