مهزنترین پاركا دهۆكێ دێ ل جهێ پێشهسازیێ هێته چێكرن
ئهڤرۆ، دووڤچوون:
ژڤانه ل دووماهیا ڤێ ههیڤێ پیشهسازیا ترۆمبێلان ل باژێرێ دهۆكێ بۆ جهێ وێ یێ نوی ل ئالۆكا بهێته ڤهگوهاستن و ل جهێ وێ یێ كهڤن پاركهكا گشتی بهێته چێكرن. بهرپرسێ ڕاگههاندنا باژێرڤانیا دهۆكێ ژی دبێژیت: جهێ پیشهسازیا كهڤن یا ترۆمبێلان كو رووبهرێ وێ 46 دونهمێن ئهردی نه دێ بیته پاركهكا گشتی و پشتی ئهڤ پیشهسازیه دهێته ڤهگوهاستن دێ دهست ب دیزاینا ڤێ پاركێ هێتهكرن.
ئیسماعیل مستهفا، بهرپرسێ ڕاگههاندنێ ل سهرۆكاتیا باژێرڤانیا دهۆكێ بۆ ئهڤرۆ دیار كر، بڕیار هاتیه دان ل دووماهیا ڤێ ههیڤێ پیشهسازیا ترۆمبێلان ژ تاخێ بهرۆشكێ یێ باژێڕێ دهۆكێ بۆ جهێ وێ یێ نوی ل ئالۆكا ب شێوهیهكێَ سهردهمیانه هاتیه چێكرن بهێته ڤهگوهاستن، دووماهی ژڤان ژی بۆ ڤهگوهاستنا ڤێ پیشهسازیێ رۆژا 26/1/2023 بوو و پشتی ڤی ژڤانی ههر كهسێ ل جهێ كهڤن بمینیت دێ ل دووڤ یاسایێ سهرهدهری ل گهل هێته كرن و گۆت: “جهێ پیشهسازیا كهڤن یا ترۆمبێلان كو رووبهرێ وێ 46 دونهمێن ئهردی نه دێ بیته پاركهكا گشتی و پشتی ئهڤ پیشهسازیه دهێته ڤهگوهاستن دێ دهست ب دیزاینا ڤێ پاركێ هێتهكرن بۆ وێ چهندێ بۆدجا پێدڤی بۆ بهێته تهرخانكرن و بكهڤیته د قووناغا بجهئینانێ دا”.
ژ ئالیێ خوه ڤه فهلاح حاجی، رێڤهبهرێ ڕاگههاندنێ ل رێڤهبهریا گشتی یا وهبهرهێنانێ ل پارێزگهها دهۆكێ ئاشكرا كر، پرۆژێ كۆمهلگهها پیشهسازیا خزمهتگۆزاریێن ترۆمبێلان ب دووماهی هاتیه كو دێ پیشهسازیا كهڤن یا ترۆمبێلان ل باژێرێ دهۆكێ بۆ ڤی جهێ نوی هێته ڤهگوهاستن و گۆت: “ئهڤ پیشهسازیه ب شێوهیهكێ سهردهمانه ب گوژمێ پتری 62 ملیۆن دۆلاران ل سهر رووبهرێ 690 هزار مهترێن دووجا یێن ئهردی هاتیه بجهئینان كو پتری دو هزار و 378 جهێن پیشهسازی یێن جوراوجور بخوهڤه دگریت”.
