مه‌زنێن ئۆرۆپا هه‌مبه‌ری دووماهی ده‌لیڤه‌یا ده‌ربازبوونێ نه
ئه‌ڤرۆ،
دهێته چاڤه‌ڕێكرن ئه‌ڤرۆ ده‌مژمێر 10:45 شه‌ڤ هه‌شت یاریێن دی ژ گه‌ڕا دووماهیێ یا ڤاڤارتنێن كێشوه‌رێ ئۆرۆپا ده‌ربازبوون بۆ مۆندیالا 2022ێ بهێته ئه‌نجامدان، بتنێ چار هه‌لبژارتیان ده‌ربازبوونا خوه مسۆگه‌ر كریه ئه‌وژی فه‌ره‌نسا، ئه‌لمانیا، به‌لجیكا و دانیمارك، لێ چه‌ند هه‌لبژارتیێن مه‌زنه ئۆرۆپا لبن گه‌ڤێن دووركه‌فتنێ نه.
كۆما سێیێ
هه‌لبژارتیێ ئیتالیا خودانا سه‌رێ لیستێ ب 15 خالان دێ بیته مێڤانا ئیرله‌ندا باكۆر ئه‌وا هه‌شت خال هه‌ین و رێزا سێیێ دهێت،هه‌مبه‌ری وێ سویسرا ئه‌وا بۆ 15 خالان رێزا دویێ یه كێمتر دو گۆلان دێ مێڤانداریا بۆلگاریا كه‌ت خودانا هه‌شت خالان و رێزا چارێ یه.
كۆما شه‌شێ.
هه‌لبژارتیێ دانمارك ئه‌وا ده‌ربازبوونا خوه بۆ مۆندیالا 2022 مسۆگه‌ركری دێ بیته مێڤانا سكۆتله‌ندا، دانیماركێ 27 خال كۆمكرینه و سه‌رێ لیستا كومێ دهێت، هه‌ڤڕكا وێ سكۆتله‌ندا ده‌لیڤه‌كا زێرین یا هه‌یی بۆ ده‌ربازبوونێ ئه‌وا ب 20 خال كۆمكرین و رێزا دویێ دهێت، ژلایه‌كێ دووڤه ئیسرائیل خودانا 13 خالان رێزا سێیێ دێ مێڤانداریا گزیرتا فارۆ كه‌ت ئه‌وا چار خال كۆمكرین و رێزا پێنجێ دهێت، هه‌روه‌سان نه‌مسا ئه‌وا 13 خال كومكرین رێزا چارێ دێ مێڤانداریا مۆلدیڤیا كه‌ت خودانا خاله‌كێ و رێزا دووماهیێ.
كۆما نه‌هێ.
هه‌لبژارتیێ ئنگلیز خودانا 23 خالان سه‌رێ لیستێ دهێت دێ مێڤانداریا سان مارینۆ كه‌ت ئه‌وا بیێ خال رێزا دووماهیێ دهێت، هنگاریا دێ مێڤانداریا پۆله‌ندا كه‌ت، خودانێن ئه‌ردی ب 14 خالان رێزا چارێ دهێت و پۆله‌ندا ب 20 خالان رێزا دویێ یه، ژلایێ خوه‌ڤه ئه‌لبانیا خودانا رێزا سێیێ ب 15 خالان دێ مێڤانداریا ئه‌ندۆرا كه‌ت ئه‌وا شه‌ش خال هه‌ین و رێزا پێنجێ دهێت.
