مه‌سعود ل سه‌رێ سالێ دێ سترانه‌كا نوو به‌لاڤ كه‌ت
ئه‌ڤرۆ، رێوار محه‌مه‌د:
سترانبێژێ رۆژئاڤایێ كوردستانێ مه‌سعود مه‌حمود قامشلۆ د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو ب هه‌لكه‌فتا سه‌رێ سالا نوو یا زایینی 2023 ئه‌و دێ نووترین سترانا خوه بناڤێ (ئه‌سمه‌رێ) به‌لاڤ كه‌ت كو ئه‌ڤ سترانه ژ په‌یڤ و ئاوازێن وی بخوه‌یه و گۆت: “ڤێ سترانێ دێ ب شێوه‌یێ ده‌نگ به‌لاڤ كه‌م، به‌لێ ل ده‌ستپێكا سالا نوو د پلانا من دایه ڤێ سترانێ كلیپ ژی بكه‌م”.
ناڤهاتی ئاماژه دا وێ چه‌ندێ كو چه‌ندین سترانێن دی وی به‌رهه‌ڤكرینه بۆ وێ چه‌ندێ ب ده‌نگێ خوه تۆمار بكه‌ت و پێشكێشی حه‌ز ژێكه‌رێن ده‌نگێ خوه بكه‌ت و گۆت: “بۆ شه‌ڤا سه‌رێ سالا نوو ئه‌ز پشكداریێ د چو كۆنسێرتان داناكه‌ت، به‌لێ مه كومه‌كا هه‌ڤالێن هونه‌رمه‌ند به‌رنامه‌ك هه‌یه كو ل شه‌ڤا سه‌رێ سالێ ئاهه‌نگه‌كێ بگێڕین و ب رێیا سوشیال میدیایێ به‌لاڤ بكه‌ین”
