مه هیڤی یه سیناریۆیا ١٦ی ئوكتۆبهرێ دوباره نهبیتهڤه
فههمى سهلمان
پشتی كارهساتا (١٦)ی ئوكتۆبهر و ئهو دهرئهنجامێن وێ یێن زێده خراب ژ رویێ (ئابووری و سیاسی و لهشكری) ڤه،كو سیناریۆیا ڤێ روودانێ ئیرانێ دارشت بوو و بۆ ئاگههداریا بالیۆزێ بریتانیا هاته ئهنجامدان ب ههڤكاری ل گهل دهستهكا خیانهتكارا ناڤخوهیی.
ئهڤرۆ ههرێم بهر ب رهوشهكا زێده ئالۆز و گران ڤه بریه.
و هیڤیا منه جهماوهرێ شهرهفمهندێ كوردستانێ ل ژێر فشارا پێدڤیێن خوه یێن رۆژانه و بارێ گران یێ ژیانێ ل پێلا پیلانا دوژمنێن گهلێ مه سووار نهبن،
كو مهرهما وان لێدانا قهوارێ سیاسی یێ ههرێمێ یه … ب لڤینا هندهك گرۆپ و كهسێن ناڤخوه دهێته رێڤهبرن، ئهڤرر پیلانا دوژمنان تێكدانا ئارامی و ئاسایشا ههرێمێ .. و دابهشكرنا وێ یه، دخوازن ل بن ناڤێ خوهنیشادانان رهوشهكا زێده خراب ل سنۆرێ پارێزگهها (سلێمانیێ و ههلهبچه) پهیدا كهن و داخوازێ ژ ( عهبادی) بكهن هێزێ بهنێریت بۆ ههر دو پارێزگههان بۆ سهپاندنا ئهمن و ئاسایشێ و پاراستنا ههڤوهلاتیان.
ههر وهسا ههرێمێ بكهنه دو پارچه و سیاسهتا ئیرانێ ل سهر وان دهڤهران بسهپینن و ئهو تاخما خۆفرۆش حكومران بن. بلا رهوشا كهركووك و تۆزخۆرماتۆ ل بهرچاڤ مه بی و كارهساتێن وهكی (تۆز خۆرماتۆ) دوباره نهبنهڤه.
ل (١٦) ئوكتۆبهر نێزیكی٥٠% ئاخا ههرێمێ مه ژ دهست دا، ئهڤرۆ دوژمنێن مه دخوازن ئهڤ (٥٠%) یا مایی ژی بێخینه ل ژێر ركێڤا خوه.
ل ههمان دهم داخوازێ ژ حوكمهتێ دكهم ب چ رێ بیت دڤیا ل دهنگێ ههژار و بارێ گرانێ ژیانا ههڤوهلاتیان بێته دهنگ و رێگه چارهیهكێ بۆ ببینیت.
ب نێرینا من داخوازا سهرۆكێ حوكمهتێ بۆ ئهنجامدانا ههلبژارتنان ل ماوێ (سێ) ههیڤان دا ئێك ژ چارهسهریین ههره باشه.
گازیا من بۆ خۆنیشادهرێن سلیمانیێ و ههلهبچه د سیستهمێ دیمۆكراسی دا مه پێدڤی ب سهرهلدان و سۆتنا بارهگایان نینه، كهرهمكهن ب هێمنانه داخوازیێن خوه بینینه زمان و ل رۆژا دهنگدانێ حوكمهتێ سزابدهن، گهر هوون حوكمهتێ ب حوكمهتا خوه نهزانن.
