موراد عه‌لی: رێژه‌یا یاریزانێن زاخۆ د ناڤ هه‌لبژارتیێ ئیراقێ دا زێده‌بووینه
عەلی حاجی:
د داخویانیەکێ دا یاریزانێ تیما باسکێت بۆلا یانه‌یا زاخۆ و هەلبژارتیێ ئیراقێ بۆ رۆژنامەیا ئەڤرۆ دیار کر وان پەیوەندی ب کەمپێ ڕاهێنانێ هەلبژارتیێ ئیراقێ کریە، خوه به‌رهه‌ڤكرن بۆ قۆناغا سێیێ یا ڤاڤارتنێن ده‌ربازبوونێ بۆ كۆپا ئاسیا و مۆندیالا جیهانی و گۆت: سال بۆ سالێ ژی یاریزانێن زاخۆل سه‌ر ئاستێ كوردستانێ و ئیراقێ به‌ر ب زێده‌بوونێ دچن.
زێدەتر موراد عەلی گۆت: پەیوەندیکرنا وی و برایێ وی محەمەد عەلی د ناڤ رێزێن هەلبژارتیێ ئیراقێ یێ باسکێت بۆلێ دا نە تشتەکێ نوویە بەلکو چەندین جارایە پەیوەندیێ ب هەلبژارتیێن جودایێن ئیراقێ دکەن و ئەڤ چەندە ژی ژبەر وێ چەندێ یە کو بەردەوام کو ئاستەکێ باش دگەل یانەیا زاخۆ د خولا پێشەکارێن ئیراقێ دا پێشکێش دکەین، یاریزانێ مە زنار هشیار ژی هاتیە داخاز کرن لێ هێشتا وی ب خوە پەیوەندی ب کەمپێ ڕاهێنانێ یێ هەلبژارتی نەکرە و پشت راستین ژی دێ پەیوەندیێ کەت ژبەرکو یاریزانەکێ ژ هەژیە و باشترین ئاستێ خوە دگەل یانەیا زاخۆ پێشکێش دکەت و پاشەرۆژەکا باش ل هێڤیا وی یە، سالانە یاریزانێن زاخۆ دگەل هەلبژارتیێن جودایێن ئیراقێ زێدە دبن و ئەڤە ژئ دەرەنجامێ وێ چەندێ یە کو کارەکێ مەزن ل یانەیا زاخۆ دهێتە کرن.
ناڤبری گۆت ژی: پێدڤیە زێدەتر خوە ب واستینین داکو بشێن ئاستێ خوە بلندتە لێبکەین و جهێن گرنگ دناڤ پێکهاتیێ سەرەکی دا مسوگەر بکەین.
بۆ زانین ژبه‌ر ئاستێ تیما یانه‌یا زاخۆ د خولا پیشه‌كارێن ئیراقێ دا شیاینه پلێتا ده‌ربازبوونێ بۆ چارگۆشه‌یا زێرێن مسۆگه‌ر بكه‌ن و بزاڤێ بكه‌ن پلێته‌كا پشكداریێ د قاره‌مانیه‌كا ده‌رڤه‌یی ئیراقێ ب ده‌ستڤه بینن.
