موراد عه‌لی: یارییه‌كا چاره‌نڤیسه دڤێت ب سه‌ركه‌ڤین
عەلی حاجی:
چاڤه‌ڕێ دهێته كرن ئه‌ڤرۆ ل ده‌مژمێر 9:30 شه‌ڤ تیما باسكێت بۆلا یانه‌یا زاخۆ دێ ل هۆلا گرتییا شه‌عب بیته مێڤانا یانه‌یا شورته یا به‌غدایی ژ چارچوڤێ یاریێن چارگوشا زێرین یا خولا پێشەکارێن ئیراقێ و دهێته هژمارتن یارییا ئێكلاكه‌ر بۆ پلێتا ده‌ربازبوونێ.
ل دور دووماهی به‌رهه‌ڤی و دیدارا ئه‌ڤرۆ موراد عەلی ستێرێ یانه‌یا زاخۆ و هەلبژارتیێ ئیراقێ بۆ رۆژنامەیا ئەڤرۆ دیار کر تیما شۆرتە ژ هه‌ڤڕكێن گەلەک ب هێزن و یاری ب سانه‌هی نابیت، د قۆناغا خولێ دا ڤێ تیمێ شیابوو دو سەرکەڤتنان ل یاریگه‌ها مه و ی به‌غدا ل سه‌ر تیما مه بینیت، ئەڤ یارییە زێده گرنگە و چاره‌نڤیسه و ئەم دێ بۆ سەرکەڤتنێ چینە بەغدا، ژبلی ئه‌نجامێ سەرکەڤتنێ چو ئەنجامەکێ دیتر د بەرژەوەندیا مە دا نینە و هەکە مە ناسناڤ دڤێت پێدڤیە ئەم نه‌هێلین شورته پێشییا مه بهێت و ئه‌وێ خوساره‌ت بكه‌ین دا بشێن دو یاریێن دی هیڤیێن خوه گه‌شبكه‌ین، ژبه‌ركو ل دووڤ سیسته‌مێ خولێ، هه‌كه مه دڤێ یاریێ دا سه‌ركه‌ڤتن ئینا دێ یارییه‌كا دی كه‌ین و هه‌كه ب سه‌ركه‌ڤتین دێ یارییا سێیێ یا ئێكلاكه‌ر بیت، لێ هه‌كه ئه‌م دیارییا ئه‌ڤرۆ داخ وسارت بووین ئه‌ڤه مه هه‌ڤركی هێلا له‌وما ژی تیمەکا ب ساناهی نابین و هەتا دووماهی خولەک شەری بۆ سەرکەڤتنێ کەین.
ناڤبری گۆت ژی: پێدڤیە ئەم هەموو د رۆژا خوە دا بین و ٢٠٠ ژ سەدێ ئاستی پێشکێش بکەین، بەرهەڤیێن تمام كرینه بۆ ڤێ یاریێ، مە باوەرییەکا مەزن ب تیما خوە هەیە سەرکەڤتنێ توماربکەن.
بۆ زانین تیما زاخۆ ده‌بازبوو چارگۆشه‌یا زێرین پشتی ژ قۆناغا ئێكێ رێزا شه‌شێ هاتین ب كۆمكرنا 29 خالان ژ 11 سه‌ركه‌فتن و حه‌فت خوساره‌تییان، ئه‌وا یانه‌یا دیجله ئه‌لجامعه سه‌رێ لیستێ هاتی ب 33 خالان.
