مورینهو: سێ سێڤێن رزى ل ریال مه‌درید هه‌نه‌

ئه‌ڤرۆ، زنار:

ژێده‌رێن رۆژنامه‌ڤانى دانوستاندنا ناڤبه‌را راهێنه‌رێ به‌رى نوكه‌ یێ یانا ریال مه‌درید یێ پرتوگالىى خوزێ مورینهو و سه‌روكێ یانا مه‌له‌كى فێلرونتینو پێرێز ئاشكرا كر ئه‌وا به‌رى هه‌یڤه‌كێ هاتیه‌ پێش. د ڤێ گه‌نگه‌شا ناڤبه‌را هه‌ردوكان دا هاتیه‌ كرن مالپه‌رێ كونفیدونسیال دیاركریه‌ كو مورینهوى گۆتیه‌ سه‌روكێ یانا مه‌له‌كى ب رێكا په‌یوه‌ندیا ته‌له‌فونى پشتى یانا ریال مه‌درید شیاى ناسناڤێ باسكا ئوروپا به‌ت سێ سێڤێن رزى د ژورا خو گوهۆرینا یانێ دا هه‌نه‌ و هێشتا د به‌رده‌وامن ئه‌و ژى سێرجیو راموس و كرستیانو رۆنالدو ل گه‌ل گولچیێ تیمێ ئێكه‌ر كاسیاس و دێ یا ب زه‌حمه‌ت بیت راهێنه‌ر بشێت ل گه‌ل ڤان هه‌رسێ كه‌سان كاربكه‌ن ژبه‌كو ئه‌و ئه‌گه‌رێ هه‌مى كێشه‌یانه‌ د ناڤ یانێ دا و ئه‌ڤ هه‌رسێ یاریكه‌ره‌نه‌ كارتێكرنێ ل كارێ راهێنه‌رى و ئه‌نجامێن یاریێ دكه‌ن، ئه‌ڤ چه‌نده‌ هاته‌ گۆتن پشتى سه‌روكێ یانا ریال مه‌درید ژ مورینهوى خواستى جاره‌كا دى ڤه‌گه‌ریته‌ یانا مه‌له‌كى كار بكه‌ت.

کۆمێنتا تە