موسەوی داخوازا ریفراندۆمێ ل ئیرانێ دکەت
میرحسێن موسەوی سەرکردەیێ بەرنیاس یێ ئیرانێ، د داخویانیەکێ دا دیار کر، ئێرشێن ئسرائیلێ یێن ل سەر ئیرانێ سەلماند کو سیستەمێ نها یێ ئیرانێ د قەیرانەکا گەلەک مەزن دایە، خەلکێ ئیرانێ دەستهەلاتا نها وەکو دەستهەلاتا خوە نابینن و رەواتیا دەستهەلاتێ ژی نەمایە، ژ بەر ڤێ یەکێ ژی نها پێدڤی ب ریفراندۆمێ هەیە دا کو گەلێ ئیرانێ بریارێ ل دۆر چارەنڤیسێ خوە بدەن.
میرحسێن موسەوی ئەو یەک ژی دیار کریە، دڤێت دەستهەلاتا نها بلەز هەموو گرتیێن سیاسی ئازاد بکەت، دڤێت رێ بهێتە دان خەلک بریارا خوە بدەت، سازیێن نها یێن دەستهەلاتێ نەشێن چو کارەکێ بۆ پاشەرۆژا ئیرانێ بکەن، ئیران د رەوشەکا گەلەک خراب دایە، هەکە رەوش وەکو نها بەردەوام بیت دێ کارەساتێن گەلەک مەزن روو دەن، دڤێت دەستهەلات رێزێ ل داخوازیێن خەلکی بگریت و گەلەک گرنگە نها ریفراندۆمەک بهێتە کرن دا خەلک بریارێ ل دۆر چارەنڤیسێ خوە بدەن.
