مووچه ب بهاتر بوویه ژ رۆحا پێشمه‌رگه‌ی!
شه‌ڕ و توقاندن و ماڵویرانكرن و ئه‌زموونیا ته‌حلا شه‌ڕێن دیرۆكی به‌رده‌وام بوویه ئه‌گه‌ر كو پرانیا وه‌لاتێن جیهان به‌ر ب ئاشتی و سه‌قامگیریێ برین، گه‌له‌ك جاران شه‌ڕێن جیهانێ بووینه په‌ند بۆ داهاتیێ وه‌لاتێن ئه‌ورۆپا، هه‌ر ژ به‌ر وێ ئێكێ كێشه‌یێن ئابووری یێن خوه كو ئه‌گه‌رێن سه‌ره‌كینه بۆ دروستبوونا ناكۆكی و نه ئارامیێ، بوو سه‌ده‌ك كو وه‌لاتێن ئه‌ورۆپا ب ئێك رێكه‌فتن و شیان كو 27 وه‌لات بێخه‌نه ل ژێر ركێفا ئێك ئابوور و ئێك ڤیزه و ئێك دووماهی رۆژ ب ناڤێ ئێكه‌تیا ئابووری یا ئه‌ورۆپا شیان ب هێزترین ئابوور ل وێ ده‌ڤه‌ران تۆمار بكه‌ن، كو نها پرانیا بڕیارێن چاره‌نڤیس یێن ئابووری و سیاسی ل جه‌م ئه‌وان ده‌ربكه‌ڤیت، واته ب ئه‌گه‌رێ سیاسه‌تا وێ رێكه‌فتنێ و به‌رژه‌وه‌ندیا خوه یا گشتی كارین تۆڤی دوبه‌ره‌كیێ ل ناڤ ره‌ه و رووشالان ده‌ربینن، ئه‌ڤه وه‌ك نموونه‌كێ یه بۆ هه‌موو دونیایێ كو ب هێزترین سیاسه‌ت ئه‌و سیاسه‌ته كو به‌رژه‌وه‌ندیا ئابووری ل گه‌ل دا بیت. پاشی ئه‌ڤ قه‌یرانا ئابووری ب سه‌ر كوردستانێ دا هات ئێك ل دووڤ ئێكێ پشتی نه‌مانا بودجه و بڕینا مووچه‌ی، هه‌لبه‌ت وه‌لاتیێن هه‌رێا كوردستانێ قوربانی ئێك بوون، ب تایبه‌ت ته‌خا پیشمه‌رگه‌یان كه ل سه‌نگه‌رێن پێشیێ نه و سینگێ خوه كرینه شیرهه‌ك بۆ پاراستنا گه‌ل و نیشتمانیان، به‌لێ ل به‌رامبه‌ر نه‌ڕازیبوونا وان بۆ نه‌دانا مووچه و گیرۆبوونا وی مه‌زنترین ئاریشه په‌یدابوو، ئه‌و ناترسن ژ دوژمنی به‌لكو ژ وێ چه‌ندێ دترسن كو خێزانێن وان تووشی مرنا برسێ ببن، ژ وێ ئێكێ دترسن خوینا وان ب هه‌ژاری و مه‌ینه‌تی و بێده‌رامه‌تی ل ناڤ مالێن وان دا بهێته رێتن، راسته نها ل به‌رامبه‌ر چاڤه‌رێبوونا هاتنا پاره‌ینه ل عێراقێ، به‌لێ هنده‌ك تشت د ژیانێ هه‌نه نكاره چاڤه‌ڕێ بیت، زارۆیێ پیشمه‌رگه‌ی چاڤه‌ڕێی هاتنا بابێ خوه‌یه، هه‌تا وه‌كو بچیته قوتابخانێ و زارۆ چاڤه‌رێی بابێ خوه نه هه‌تا كو نه‌مرن ژ برسان دا، خێزانا پێشمه‌رگه ژی ده‌ستێ وان ل سه‌ر دلێ وانه، نه‌كو خودێ نه‌كه‌تت په‌یاما شه‌هیدبوونێ بگه‌هیت، ئه‌ڤێن هه‌نێ پێناسه‌یه‌كن ژ ژیانا رۆژانه‌یا وان، له‌ورا نها ل جه‌م پێشمه‌رگه‌ی هاتنا مووچه‌ی هند یا گرنگه كو روحا وی هند یا گرنگ نینه!! هه‌ر وه‌سا ژی پلاندانان و رێخستن و دابینكرنا مووچێ پێشمه‌رگه‌ی ل سه‌ردێرێن هه‌موو راپۆرتێن ئابووری و مژارێن دیتر گرنگترن، بلا مووچه‌یێن وان هنده نه‌هێنه گیرۆكرن و ژ بڕا پێدانا مووچه‌یێن تایبه‌ت و باڵاده‌ستان بلا پیشمه‌رگێن هه‌ژاره دلخۆش بكه‌ت، مخابن پێشمه‌رگه هه‌نه ل ده‌مێ شه‌هیدبوونێ، خوه بۆ رێوره‌سیمێن ڤه‌شارتن و تازیێن خوه ب قه‌رز ئه‌نجام دده‌ن. وێره‌كی و ده‌ستخۆشی بۆ كه‌نال و راگه‌هاندن و سترانبێژ و میۆزیكژنان كو پێشمه‌رگه ب مانشێتێن كارێن خوه ل قه‌له‌م ده‌ده‌ن، به‌لێ نها د ژیوارێ ئه‌ڤرۆ دا پێدڤیا پێشمه‌رگه‌ی مووچه‌یه، نه‌ك ستران و میۆزیك و پێگۆتن. بلا هه‌رچی ده‌زگه‌هێن خێرخوازی و مرۆڤاتی هه‌بن ئاوریه‌كێ ل خانه‌واده‌یا پیشمه‌رگه شه‌هید بده‌ن، ئاوریه‌كێ ل كری و بێداهات و بریندارێن پێشمه‌رگان بده‌ن، راسته ئه‌ركێ كوردستانێ گه‌له‌ك سه‌خت بوویه و بارگرانی گه‌له‌ك كه‌فتیه ل سه‌ر حوكمه‌تا هه‌رێمێ به‌لێ بلا ئه‌و ژ بیر نه‌چێت كو به‌رژه‌وه‌ندیا سیاسه‌تا نها پابه‌نده ب به‌رژه‌وه‌ندیا ئابووری ڤه، هه‌ر ده‌مه‌كی كو رۆل هه‌بیت د سیاسه‌تا كوردستانێ دا، پێشمه‌رگه ژی نموونا وی رۆلینه و پیشڕه‌وێن هه‌موو لایه‌كه‌ینه.
كرمانجیكرن: ئه‌ڤرۆ
ماسته‌ر ب كارگیری كار
