مووچه و پاداشتێن وی هاتنه زێده‌كرن
ئه‌ڤرۆ،
راپۆرتێن رۆژنامه‌ڤانی ل وه‌لاتێ ئسپانیا دیاركرینه یانا ریال مه‌درید پێنگاڤا دووماهیێ هاڤێتیه ژبۆ نووكرنا گرێبه‌ستا ستێرا خوه یێ به‌رازیلی ڤینیسیۆس جۆنیرۆ ب زێده‌كرنا مووچه و پاداشتێن وی ب رێژه‌كا مه‌زن.
رۆژناما ماركا یا ئسپانی دیاركر سه‌رباری هه‌تا نوكه یانا ریال مه‌درید و ستێرا وێ ڤینیسیۆس جونیرۆ نه گه‌هشتینه چو رێكه‌فتنان ژبه‌ر هنده‌ك به‌ندێن یاسایی لێ دوور نینه نێزكترین ده‌م گرێبه‌ست بهێته نووكرن تایبه‌ت پشتی یانا ئسپانی دیاركر ئه‌و دێ مووچه و پاداشتێن وی زێده‌تر لێكه‌ت ئه‌وا دێ گرێبه‌ستا وی ل 2024ێ دووماهی هێت، لێ ریال بزاڤێ دكه‌ت بۆ 2028 ئه‌ڤ گرێبه‌سته درێژ بیت ل گه‌ل مه‌رجه‌كێ سه‌پاندی كو دگه‌هیته 350 ملیۆن یۆرۆ ئه‌و مه‌رجه هه‌رده‌مێ دماوێ گرێبه‌ستا خوه دا ڤینیسیۆس دڤێت یانێ بهێلیت دێ كار ب وی مه‌رجی كه‌ن.
ژلایه‌كێ دووڤه یانا ریال مه‌درید به‌رهه‌ڤه مووچه و پاداشتێن وی زێده‌تر لێبكه‌ت ب گه‌هینته ده‌ه ملیۆن یۆرۆیان و پاداشتێن مه‌زن وه‌ربگریت،ئه‌ڤچه‌نده بوویه ئه‌گه‌ر كو دبیت رۆژێن داهاتی ستێرێ به‌رازیلی گرێبه‌ستا خوه نوو بكه‌ت.
