مووچەیێ تەخەكێ دێ 200 هزار دینار ل سەر زێدە بن
ئەڤرۆ
سەرۆك ئەركانێ پێشمەرگەی راگەهاند، لیستە و خشتەیێ پلەبلندكرنا ئەفسەرێن سەر ب وەزارەتا پێشمەرگەی ڤە بۆ حوكمەتێ هاتینە هنارتن و ل ڤان نێزیكان دێ بڕیار ل سەر دەركەڤیت.
فەریق رۆكن عیسا عوزێر، سەرۆك ئەركانێ پێشمەرگەی دیار كر، پلەبلندكرنا یەكەیێن 70 و 80 یێن پێشمەرگەی ل ژێر ڤەكۆلینێ و هووربینیێ نە و د وان لیستان دا ناڤێ زێدەتر ژ هزار ئەفسەرێن پێشمەرگەی تێدانە و پشتی دهێتە پەسەندكرن، دێ مووچەیێ وان د ناڤبەرا 48 هزار بۆ 200 هزار دیناران زێدە بیت.
بەرنامەیێ چاكسازیێ و خانەنشینی یێ پلەبلندكرنێ پێكڤە هاتبوونە گرێدان و پشتی چەندین روونشتنان ل گەل جڤاتا وەزیران و ل گەل جەنابێ سەرۆكێ حوكمەتێ ئەڤ بڕیارە هاتیە دان و كێشەیا پلەبلندكرنا ئەفسەران هاتە چارەسەركرن و گۆت: «ل سالا 2023 كێشەیا تەرقییە و پلەبلندكرنێ د ناڤ لەشكرێ كوردستانێ دا نامینیت.
