مژوولی نڤیسینا پەرتووکەكێ یە ل دۆر مۆزیكا دەڤەرا هەورامان
زنار تۆڤی:
مۆزیكژەن (ژیار لوقمان) د دیدارەكێ دا بۆ رۆژنامەیا ئەڤرۆ دیاركر كو ئەو دەرچۆیێ پشكا مۆزیكێ یە ل كولیژا هونەرێن جوان ل زانكۆیا سلێمانیێ و ئەڤ حەفت سالن ئامیرێ پیانۆیێ دژەنیت و نوكە بەرهەڤیان بۆ ئەنجامدانا چەند كارێن مۆزیكێ دكەت،
ناڤهاتی گۆت: ژبەركو خێزانا مە هونەر دوست بوون من ژی د ژیەكێ بچووكدا حەزژێكر و د ئەڤ سالەدا من دەست ب پرۆژەیەكێ مۆزیكێ كریە، كو ئەو ژی چەند پارچەیێن مۆزیكێ نە، هەروەسا چەند پێزانینێن گشتی نە ل دۆر مۆزیكی دێ ل ئەكاوەنتێ خوە بەلاڤكەم، هەروەسا نوكە مژوولی نڤیسینا پەرتووكێ كە ل دۆر مۆزیكا دەڤەرا هەورامان و من ل بەرە د ئەڤ سالەدا بهێتە چاپكرن، هەروەسا ئەز ماموستایێ فێرگەهەكا مۆزیكێ مە و هەر حەفتیێ چەند رۆان قوتابیان فێری ژەنینا پیانۆیێ دكەم.
