مژوولی هنده‌ك به‌رهه‌مێن نوویه
دهۆك، زنار تۆڤی:
سترانبێژ (ئه‌ركان جه‌میل) كو ژ رۆژئاڤایێ كوردستانێ یه و چه‌ند سالن ل وه‌لاتێ ئه‌لمانیا دژیت، د دیداره‌كێ دا بۆ رۆژناما ئه‌ڤرۆ دیاركر كو د سالێن هه‌شتێیان دا وی ده‌ست ب گۆتنا سترانان كریه، هه‌تا نوكه ده‌ه ئه‌لبۆم به‌لاڤكرینه، دووماهی ئه‌لبۆما وی ب ناڤێ( حسر و گری) بوویه، نوكه ژی كاری ل سه‌رچه‌ندین سترانێن نوو دكه‌ت و ل به‌ره د ئه‌ڤ ساله‌دا هنده‌كا تۆمار بكه‌ت و به‌لاڤ بكه‌ت، ستران ژ په‌یڤ و ئاوازێن وی ب خوه‌نه، هه‌روه‌سا سترانێن فولكلۆری ژی دبێژیت.
ناڤهاتی گۆت: هه‌تا نوكه من پتری بیست كلیپان به‌لاڤكرینه، كو یا ئێكێ ل سالا 1987 بوو، هه‌روه‌سا ل گه‌له‌ك وه‌لاتان من پشكداری د ئاهه‌نگ و هه‌لكه‌فتێن كوردان دا كریه، و كلیپه‌كا خوه ل باژێرێ دهۆكێ ژی چێكریه، كلیپا دووماهیێ ژی ب ناڤێ (حسر و گری) بوویه، ل نێزیك دێ به‌لاڤكه‌م، هه‌ر د ئه‌ڤ ساله دا دێ چه‌ند كلیپێن دی چێكه‌م.
