مژ ل کویڤە دەردکەڤیت؟
كەسەر ئەحمەد
ل سەر سوشتەی دچاڤێن کەسک دا
د زڤستانەکا بێ باران دا
ل ئەورەکێ سەرگەردان
ل سەر دێمێ نڤستیەکی
د چاڤێن کچەکێ دا
دناڤا لێڤن جگار کێشەکی دا
دناڤا فنجانەک بێزار دا
ل شەڤەکا بتنێ
ل سەر تەختێ ڤالا
مژ بەرزە دبیت دەما لێ دگەڕم
ل دەڤ منە نابینم، ژ بەر هندێ لێ دگەڕم
گەنگەشەک درێژ دگەل شەڤێ دکەت
دانوستاندنێ دناڤا پرسێن بێ بەرسڤدا دهێلیت
ئەرێ تو دژی
تو دێ ژی
تو دێ جارەکا دی لڤی
تو هەستپێ دکەی ژ من دوویری
مژ پەرژانە، رێنادەت ترافیک کەسک بیت
نەڤێت زڤستان بگریت
هێشتا ل بارانێ و ل تە دگەریت
ما دێ گول چەوا بشکڤیت
گەر سیبەرا هێزا دەنگێ
تە نەبیت
ل دیڤ دەنگەکی دزڤڕیت
دەما خودانێ دەنگی دبینت بۆ دگڕنژیت
ل دویڤ پێنگاڤێن کەسەکی دچیت
دەما دبینیت، خوە دهەمبێزا وی د ئالینیت
نزانیت باخڤیت،
بەلێ دەما ئیکەم پەیڤ دبێژیت
ژ تیپێن ناڤێ وی نابۆریت
ژ شەر و چەنگا دترسیت
لێ دشۆرەشاندا ئالایێ وی دهەلینت
ژ مرنێ ڤەدجنیقیت
لێ گەر ئاخ چاڤێن تە بنقینیت
چ جاران ناخوازیت بژیت.
