مۆبایلا خوه ب رێیا ترۆمبێلێ بارگه نه‌كه
ئه‌ڤرۆ:
یا سرۆشتی یه، پتریا خه‌لكی دزانن كو دشیان دایه مۆبایلا خوه ب رێیا ترۆمبێلێ و هه‌ر جۆره‌كێ ترۆمبێلێ ژی بیت بارگه بكه‌ن، به‌لێ چو جاران ڤێ ره‌فتارێ نه‌كه.
پتریا ترۆمبێلان جهێ یو ئێس بی یێ تێدا و هه‌كه تێدا ژی نه‌بیت یا گه‌رمكرنێ بۆ هه‌لكرنا جگارێ یان هه‌ر تشته‌كی دی بیت یا تێدا هه‌ی یان ئه‌ستریو ل گه‌ل وێ چه‌ندێ د بنیات دا ئه‌ڤه بۆ بارگه‌كرنا مۆبایلا ته نه‌هاتینه دروستكرن، هه‌ر چه‌نده وه‌كو چاره‌كا باش ژی دهێنه دیتن بۆ بارگه‌كرنا مۆبایلێ ل ده‌مێ پێدڤیاتیێ، ب تایبه‌ت ده‌ما بارگا مۆبایلێ ل خوارێ بیت.
د مێشكێ خوه دا وێ چه‌ندێ بدانه به‌رچاڤێن خوه كو ئه‌و تایبه‌ت بۆ بارگه‌كرنا مۆبایلێ نه‌هاتینه چێكرن و ژ به‌ر هندێ ژی هنده‌ك گه‌له‌ك ب خاڤی مۆبایلێ بارگه دكه‌ن. ئه‌و بۆ كارێن دی وه‌كو جهێ ئاگری یان دانه‌كاری یا میوزیكی هاتینه دروستكرن یان بۆ هه‌ر كاره‌كێ دی بیت، به‌لێ بۆ بارگه كرنا مۆبایلێ نه‌هاتینه چێكرن، سه‌ره‌رایی وێ چه‌ندێ كو نها د هنده‌ك ترۆمبێلێن نوو دا جهێن تایبه‌ت بۆ بارگه‌كرنا مۆبایلێ هاتینه دروستكرن.
ژ لایه‌كێ دی ڤه، ئه‌ڤ بارگا د ناڤ ترۆمبێلێ دا گه‌له‌ك ژ وێ چه‌ندێ كێمتره یا مۆبایلا ته پێدڤی بۆ هه‌ی بۆ بارگه‌كرنێ، ژ به‌ر هندێ ژی ب درێژاهیا ده‌می ئه‌ڤه دێ كارتێكرنێن گه‌له‌ك خراب ل پارتیا مۆبایلێن زێره‌ك كه‌ت.
د هه‌مان ده‌م دا، ئه‌ڤ ئامیرێن هاریكار یێن هاتینه چێكرن ژی نابیت بدانیه سه‌ر بۆ نمۆنه جهێ ئاگری یێ كو بۆ هه‌لكرنا جگاران هاتیه چێكرن دبیت ئامیره‌كی بدانیه سه‌ر و ئه‌و ئامیره ل گه‌ل پاتریا مۆبایلا ته نه‌گۆنجیت و زێده‌تر ژ یا پێدڤی هێزا بارگێ بده‌تێ و ب هه‌مان ره‌نگ كارتێكرنێ ل پاتریێ و هنده‌ك پشكێن دی یێن مۆبایلێ بكه‌ت.
ژ به‌ر هندێ ژی هه‌كه جاره‌كێ ته هزرا خوه كربیت، كا بارگه‌كرنا مۆبایلێ د ترۆمبێلێ دا دبیته ئه‌گه‌رێ ژناڤچوونا پاتریێ، دێ ب پشت راستی ڤه بێژینه ته به‌لێ و كارتێكرنێ ل گه‌له‌ك پشكێن دی یێن مۆبایلێ ژی دكه‌ت. جهێ بارگه‌كرنا مۆبایلێ د ترۆمبێلێ دا نه‌یێ بنه‌جهه و نه‌یێ گۆنجایی یه بۆ بارگه‌كرنا مۆبایلێ، بۆ نمونه هه‌كه تو ئامیره‌كێ هاتیه دروستكرن ژ بازاری بۆ ڤێ مه‌ره‌مێ بكری، دبیت ببیته ئه‌گه‌رێ بلندبوونا پلا گه‌رماتیا مۆبایلا ته و گه‌له‌ك كه‌رستێن دی ژ ناڤ بچن. ئه‌ڤ چه‌نده مه‌ترسیه بۆ سه‌ر پاتریا مۆبایلێ و وێ ب خوه ژی، دیسا كارتێكرنێ ل ژیێ ترۆمبێلێ ژی دكه‌ت.
پتریا ئه‌ڤ كه‌سێن مۆبایلێن خوه ل سه‌ر ترۆمبێلێ بارگه دكه‌ن د جهێ بۆ هه‌لكرنا ئاگرێ جگارێ دا هاتیه چێكرن بارگه دكه‌ن كو پتریا جاران 12 ڤۆلته، مۆبایلێن زیره‌ك ل سه‌ر پێنج ڤۆلتی دهێنه بارگه‌كرن ب ره‌نگه‌كێ گشتی، ژ به‌ر هندێ ژی هه‌كه ئه‌و ئامیرێ بۆ وی جهی هاتیه چێكرن ب ره‌نگه‌كێ رێكخستی و باش نه‌هاتبیته دروستكرن، دبیت ببیته ئه‌گه‌رێ ژناڤچوونا مۆبایلێ ژ ئه‌گه‌رێ گه‌رمبوونا زێده گه‌له‌ك ژ كه‌رستێن دی یێن ناڤا مۆبایلێ ژ ناڤ بچن. هنده‌ك دبنه ئه‌گه‌رێ هندێ ئامیرێ مۆبایلێ ب ئێكجاری ژ ناڤ بچیت.
ژ به‌ر هندێ شیره‌تا وێ چه‌ندێ ل هه‌وه دكه‌ین كو د ناڤ ترۆمبێلێ دا مۆبایلێن خوه بارگه نه‌كه‌ن هه‌كه بۆ كاره‌كێ گه‌له‌ك گرنگ و پێدڤی نه‌بیت.