مۆبایلێن سیسته‌مێ ئه‌ندرۆید ل ژێر گەفان دانە
ئەڤرۆ نیوز:
ڤەکولینه‌كا نوو یا ئاسایشا ته‌كنه‌لۆجیایێ دووپاتیێ ل هندێ دکەت، كو ئەو مۆبایلێن زیره‌ك یێن ب سیسته‌مێ ئه‌ندرۆید كار د‌كه‌ن، ل ژێر گەفەکا مەزن دانە و هاككه‌ران سیسته‌مێ كارپێكرنا ئه‌ندرۆیدی دیتیە و دشێن سه‌رجه‌م مۆبایلێن ب سیسته‌مێ ئه‌ندرۆید هاك بكه‌ن.
د دەمێ بوری دا زۆرترین هێرشێن ئه‌لیكترۆنی هاتینە كرن بۆ سه‌ر سیسته‌مێ كارپێكرنا مۆبایلێن زیره‌ك ئه‌ندرۆید، ب ڤێ چەندێ داتا و زانیاریێن ملیۆنان ژ خه‌لكێ هاتینە دزین.
ناڤه‌ندێن زانستی دووپاتیێ ل نه‌بوونا ئاسایشا ته‌كنه‌لۆجیا پێدڤی د سیسته‌مێ ئه‌ندرۆید د‌كه‌ن و
تیمێن كۆمپانیا ئاڤاست بۆ ئاسایشا ته‌كنه‌لۆجیا یێ راگه‌هاندیە، کو رێژا 70% یا به‌رنامه و ئه‌پلیكه‌یشنێن پیس د سیسته‌مێ ئه‌ندرۆید دا دهێنە بەلاڤە کرن، ئەڤە وە دکەت کو ب كارهێنه‌رێن ڤی سیسته‌می ب به‌رده‌وامی ل ژێر هێرشێن مەزن دا بن.
هه‌ر چه‌نده كۆمپانیا گووگلی چه‌ندین جاران سۆز دایه كو پێداچوونەکا ته‌مام د سیسته‌مێ ئاسایشا ئه‌ندرۆیدی دا بکەت و باشتر لێ بکەت، به‌لێ هەتا نوکە هاككه‌ر ب ساناهی دشێن بچنه دناڤ ڤی سیسته‌می و داتا و زانیاریێن ب كارهێنه‌ران ببه‌ن.