مۆدریچ ژ ریال مەدرید بێ زاربوویە
راپۆرتێن رۆژنامەڤانی ل ئسپانی خویاكریە ستێرێ كرواتی و یاریزانێ یانەیا ریال مەدرید لۆكا مۆدرێچ ئێدی ئەو هزر دكەت راهێنەرێ تیما وان یێ ئیتالی كارلۆ ئەنشلۆتی پشت گەرمی ب شیانێن وی نە ماینە و یارییا جیرۆكا وەكو بەلگە دا زانین.
رۆژنامەیا ماركا یا ب ناڤودەنگ ل ئسپانیا دیار كر مۆدرێچ یێ 38 سالی بێ زاربوویە ئەو هوسا هزر دكەت ئێدی راهێنەری باوەری ب شیانێن وی وەكو وەرزێ بۆری نەماینە، ئەڤچەندە بوویە ئەگەر یێ ئنگلتەرایێ دێڤێد بێكهام رێڤەبەری تیما یانەیا ئەنتەر مەیامی یا ئەمریكی خوە نێزیكی مۆدرێچی بكەت و دەرگەهێ یانێ بۆ ڤەكەت، ئەڤە پێنگاڤەكا نوو یە كو دوور نینە هەتا ڤەگۆهاستنێن زڤستانێ لۆكا مۆدرێچ چانتێ خوە راكەت پشتی 11 سالان یانەیا ریالێ بجهـ بهێلیت و ببتە هەڤالێ لیۆنێل مێسی، لێ بۆچوونەكا دی هاتییە دیاركرن ئەوژی دوور نینە بەر ب خولا سعۆدیێ بچیت.
