مۆرالا ژیبوونێ (رۆژا نشتیمانی یا رۆسیایێ وەكو میناك)
جابر ئیسماعیل سندی
ل وەلاتێ رۆسیا و ل وێ زانكۆیا لێ دخۆینم ل ڕێكەفتی 6/5/2025 رۆژا نشتیمانی ساخ كر و چەندین چالاكیێن جۆراو جۆرا نمایشكرن وەكی گۆتنا سترانێن نشتیمانپەروەری و خواندنا هۆزانان، بتایبەت وان هۆزانێن هەستێن قۆتابیان دلڤینن و پتریا قوتابی و ئامادەبوون گریاندن و سەرۆكێ زانكۆێ بەڕێز: (Александр Николаевич Худин) ئەلێكساندەر نیكۆڵاڤیچ خۆدین، پەیڤەكا نشتیمانپەروەڕانە خواند و پەسنا شەڕكەرێن خوە كرن و گولێن سۆر ل سەر پەیكەرێ سەركردەیێ خوە دانا و ب درووشمێن سەربازی ئەڤ یادە ساخ كر و گۆت دوماهیێ سەركەفتن هەر بۆ رۆسیایە كا چاوا ژبەری چەندین سالان ل سەر نازیان سەركەفتن تۆماركربوو، ل وی دەمی نازی د گۆپیتكا هێزا خوەدابوون.
ل ڤێرێ جهێ دلخۆشیێ یە كو ل زانكۆییان، ئەوژی ب گەرمی رۆژێن نشتیمانپەروەری ساخ دكەن ب تایبەت ل ڤێ دوماهیێ كەسێن دلسۆز و خەمخۆر هاتینە و د وێ باوەرێ دانم ئەو كار بهێتەكرن د باوەریا كەسێ دا نەبن، ژبەركو زۆر گرنگە ئەم سەركردەیێن خوە ناس بكەن و گرنگە شەهیدیێن خوە ژبیر نەكەن و گرنگیێ ب خێزانێن وان بدەین، ژبەركو كێم كەس هەنە بشێن گیانێ خوە بكەن قوربان داكو كەسانێن وەلاتێ وی بژین و د هەمی شەڤان دا دایكوباب و هەڤژین بێ شەهید بژین و ئێدی چاڤەرێ نەبن ژ پێشمەرگایەتیێ بهێت و د مال دا كەیفخوەش پێكڤە بژین.
ئەگەر ئەم نەشێن گیانێ خوە بكەن قوربان، بلا ئەم دلسۆز بن ژ بۆ وان جانگۆریان و وان كەسێن نوكەژی د چەپەرێن شەرەفێ دا ئامادەنە گیانێ خوە بكەن قوربان پێخەمەت ئەم سەرفەراز و ب زمان و كولتوورێ خوە بژین و هەر كارەكێ د دەستێن مەدا بیت، دڤێت ب دلسۆزانە وی كاری بكەن و جیاوازیێ نەكەن، ژ بەر خزم و كەسوكارێن خوە، بۆ نموونە هندەك كەس هەنە هەڤژینا وان چ بێژیتێ نەشێن نەكەن و گۆتنا هەڤژینا وان ل سەر یا وان دانە و بریارا وێ یە؟ بەرپرس كارێ خوە دەكەت قوربان داكو هەڤژینا خوە ژ خوە ڕازی بكەت و ئەڤە مەزنترین ناپاكییە ل گەل وەلاتێ خوە بكەت و دوماهیا وان هەر شكەستن و وێرانبوونە، ژبەركو وەلات هەر وەكی دایك و شەڕەف و كەڕامەتێ یە.
هیڤیدارم وانەیەك ل پەروەردە و ل زانكۆییان بهێتە زێدەكرن ب وانەیا نشتیمانپەروەریێ و لڤینا هەستێن وەلاتی و حەژێكرنا ئاخی و زمانی و كولتووری و رەشەنبیریكرنا وان ب ڤی نشتیمانێ ئەم ل سەر دژین و وان قارەمانان ناس بكەن یێن گیانێ خوە كرین شەهید و چێروك و داستانێن وان هەمیان بهێت نڤیسین و خواندن ب دروستی خەلك ناس بكەن و كەسێن بسپۆر ببن مامۆستا رۆژ بۆ رۆژێ زێدە ببن د ڤی واری دا ژبەركو ئەگەر نشتیمان نەما، ئێدی هەمی تشت دێ هێتە ژ دەستدان و بژیت ڕێباز.
