مۆزیكا كوردی ب هەبوونا ژنان دەولەمەنتر بوویە
دلڤین رەشید
مۆزیكژەن (پەروین سالح) د دیدارەكێ دا بۆ روژنامەیا ئەڤرۆ دیاكر كو خەلكا باژێرێ كۆبانێ یە، ل رۆژئاڤایێ كوردستانێ و دەرچوویا پشكا مۆزیكێ یە و ئەڤە بۆ دەمێ چارسالانە ل پارێزگەها هەولێرێ دژیت، دژیەكێ بچووك دا حەزا فێربوونا هونەرێ بگشتی و مۆزیكی ب تایبەتی هەبوویە، ئەڤ چەندە ژی بو ئەگەر بەر ب بۆارێ ئەكادیمی ڤە بچیت و ببیتە مۆزیكژەنەكا باش و خزمەتا هونەرێ ستران و مۆزیكا كوردی بكەت.
هەروەسا گۆت: ژنێن كورد ب درێژاهیا دیرۆكێ پشكەكا نە ڤە قەتیای بووینە ژ گەشەپێدانا هونەرێ مۆزیكێ، هەر چەندە د دەمێ دەرباز بووی دا دەلیڤە كێمتر بوو، بەلێ ژنان شیایە ب ئیرادەیەكا ب هێز ئامیرەیێن جودا جودا یێن مۆزیكی بژەنن و ناڤێ خۆ د دیرۆكێ دا تۆمار بكەن و مۆزیكا كوردی ب هەبوونا ژنان دەولەمەنتر بوویە، چ وەك سترانبێژ یان ژەنیارێن ئامیرەیێن فولكلۆری و كلاسیكی و ژنان شیایە هەست و كلتۆرێ خۆ ب رێكا تبل و كلیلێن مۆزیكی بگەهینە جیهانێ، پشتەڤانیكرنا كچێن خۆدان بەهرە د بۆارێ مۆزیكێ دا، دێ بیتە ئەگەرێ بلندبوونا ئاستێ رەوشنبیری د جۆگرافیا كوردستانی و جیهانێ دا.