مۆزیكژه‌نه‌كێ ئه‌مریكی گیانێ شه‌هیدێن هه‌له‌بجه ساخكر
هه‌له‌بجه، عه‌زیز هه‌ورامی:
به‌ری چه‌ند رۆژان مۆزیكژه‌نێ ناڤدارێ ئه‌مریكی (دۆبس) ب سه‌ره‌دان گه‌هشته باژێرێ هه‌له‌بجه و ل سه‌ر مۆنیمتێ شه‌هیدان پارچه مۆزیكه پێشكێشی گیانێ پێنج هزار شه‌هیدێن وی باژێری كر.
ناڤبری، د كورته دیداره‌كێ دا بۆ رۆژناما ئه‌ڤرۆ دیاكر كو ئه‌و گه‌له‌كێ خۆشحاله هاتیه كوردستانێ و گۆت: ئه‌ز ب دیتنا باژێرێ هه‌له‌بجه شادبووم، لێ دهه‌مان ده‌مدا خه‌مگین ژی بووم، چنكو ل سالا 1988 پتری پێنج هزار كه‌سێن بێ گونه‌ه یێن ڤی باژێرێ ژلایێ فرۆكێن رژێما عیراقێ یا بۆری هاتنه كیمیا بارانكرن و شه‌هید بوون كو ئه‌ڤه ژی هه‌تا هه‌تا دێ مینیت وه‌كو خاله‌كا ره‌ش ب ناڤ چاڤێن وان كه‌سان ڤه یێن ئه‌ڤ تاوانه ئه‌نجام دای، بۆ زانین ئه‌ڤه یازده ساله ئه‌ز خه‌لكێ كوردستانێ دنیاسم و من هه‌ڤالێن گه‌له‌ك باش هه‌نه، و حه‌زدكه‌م د سه‌ره‌دانا خوه یا بهێت دا بۆ كوردستانێ مۆزیكه‌كا تایبه‌ت بۆ هه‌له‌بچه چێكه‌م.
