مۆزیكژەنەكا پۆلەندی ب پارچە مۆزیكەكا كوردی ناڤدار بوویە
ب: كاوین جیهاد تەحلاڤی
كچە مۆزیكژەنەكا پۆلەندی ب ناڤێ (جێسیكا ڤایۆلێنست) كو بۆ دەمێ چەندین سالانە ل وەلاتێن جیهانێ دگەڕیێت و پارچەیێن مۆزیكێ یێن جودا ل سەر جادە و پاركێن گشتی دژەنیت، ئەڤ جارە ب كەمانا خوە ڤە هاتیە هەولێرێ و پارچە مۆزیكا (ئەز كەڤۆكم) كو بەری نوكە ژلایێ هومنەرمەندێ ناڤدارێ كورد مۆزیكژەن (د. دلشاد محەمەد سەعید) ڤە هاتیە ژەنین، دژەنیت و حەلكەكێ زۆر ل دەوروبەرێن وێ كۆم دبن و دلخۆشیا خوە ب ژەنینا وێ دیاردكەن.
مۆزیكژەنا ناڤهاتی كو نوكە ئاكنجیا وەلاتێ ئەلمانیا یە بەری چەندەكێ هاتبوو ئیستەمبوولێ و ل چالاكیەكا گشتی پارچە مۆزیكا (ئەز كەڤۆكم) كو د بنەرەتدا سترانەكا هونەرمەندێ مەزن (حەسەنێ جزیری) یە، ژەنی بوو، دوێ چالاكیێ دا خەلكەكێ زۆر ئەو نیاسی و پێ ناڤدار بوو.
