مۆزیك دەربڕینێ ژ هەستان دكەت
بێوارحەمدی:
مۆزیكژەن (شاد شەوكەت) د دیدارەكێ دا بۆ رۆژنامەیا ئەڤرۆ گۆت: ئەڤە هەشت سالن ئەز مۆزیكێ دژەنم، ل دەستپێكێ چار سالان من ئامیرێ سازێ دژەنی و ئەڤە چار سالن ژی عۆدێ دژەنم، چنكو عۆد ئامیرەیەكێ پڕی هەستە و بگشتی ژی مۆزیك دەربڕینەكە ژ هەستان.
هەروەسا گۆت: ژەنینا هەر ئامیرەیەكێ مۆزیكێ زەحمەتا خۆ یا هەی، لێ هەكە مرۆڤی بڤێت فێر ببیت چو تشت نابنە ئاستەنگ و هەتا رادەیەكی ژی ئامیرەیێن مۆزیكێ پێكڤە دگرێداینە، ئانكو هەكە بزانی ئامیرەیەكی بژەنی دێ شێی ب ساناهی فێری ئامیرەیەكێ دی ژی بی، دەربارەی داهاتێ مۆزیكێ بۆ من چ داهاتێن دەستنیشانكری نینن.
