مۆزیك شیایە رۆلەكی مەزن بگێڕیت
دلڤین رەشید:
مۆزیكژەن (عاید مەمۆ) د دیدارەكێ دا بۆ رۆژناما ئەڤرۆ دیاركر كو ئەو خەلكێ دەڤەرداریا سنونێ یە سەرب قەزا شنگال ڤە، نوكە قوتابیە ل پەیمانگەها هونەرێن جوان/ دهوك، بەهرەیا وی یا تایبەت ژی لێدەرێ ئامیرێ ئۆرگێ یە و ب دیتنا وی مۆزیكێ ل سەرانسەری جیهانی ئێك دەنگ هەیە و هەر مللەتەك ب رێكا مۆزیكێ دشێت خزمەتا خەلكێ خوە بكەت.
هەروەسا گۆت: ب دیتنا من د قوناغا ئەڤرۆ دا مۆزیكی شیایە رۆلەكی مەزن بگێریت د هەر بۆارەكی ژیانێ دا، ب تایبەت ژی ژبۆ پاراستنا كلتۆرێ مە وەك كورد ژی هەتا رادەیەكی شیاینە مۆزیكا خوە ب پارێزین، بەلێ ل ئاستێ پێدڤی نەبوویە، چنكو مللەتێ كورد خودان كلتۆرەكی زەنگینە ب تایبەت ژی دبۆارێ مۆزیكێ دا و پشتی ڤان هەموو ئێش و ئازارێن ب سەرێ مللەتێ مە هاتێن، گرنگە گەنجێن مە پتر كاری ل سەر ئارمانجێن خوە بكەن، ب تایبەت د بۆارێ پاراستانا مۆزیكا كوردی دا و هیڤیدارم لایەنێن پەیوەندیدار پتر دهاریكاربن بۆ وان گەنجێن حەزا هونەری هەین، دا كو ئەوژی بشێن ب ڤێ رێكی خزمەتا كلتۆرێ خوە یێ رەسەن بكەن.
