مۆزیك مرۆڤی دبه‌ته جیهانه‌كا ئارام
ئه‌ڤرۆ، هه‌رهین:
سولین محه‌مه‌د، لێده‌را ئامیرێ ئوكوردیونێ و هارمونییێ ددیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: هه‌ر كه‌سه‌كێ مۆزیكژه‌نبیت، یان حه‌زژێكه‌ر و گوهدارێ مۆزیكێ بیت ئێكسه‌ر ژیانا وی دێ هێته گوهۆڕین و دێ كارتێكرنێ لێ كه‌ت ب تایبه‌ت ئه‌گه‌ر مۆزیكژه‌ن بیت كه‌سایه‌تیا وی دهێته گوهۆڕین و ژیانا خوە بەلاڤ دكه‌ت، به‌لێ هه‌ر پتر ده‌می دده‌ته مۆزیكێ ئه‌و ئه‌ڤه ژی ئه‌وێ چه‌ندێ رادگه‌هینت ئه‌وی كه‌سی دڤێت خوه ب گوهوریت و نوویاتیان دژیانا خۆدا په‌یدا بكه‌ت و بگه‌هیته ئاسته‌كێ بلند و دبینم دێ گه‌هیته ئاسته‌كێ بلند ژی، چونكو به‌رده‌وام راهێنانان دكه‌ت.
ناڤهاتی ئه‌و چه‌نده ژی گۆت: نه‌مه‌رجه هه‌ر كه‌سه‌كێ مۆزیكێ بژه‌نیت ئه‌كادیمی بیت، ژبه‌ركو مه گه‌له‌كمۆزیكژه‌ن هه‌نه و نه‌ئه‌كادیمی نه، به‌لێ ب باشی مۆزیكێ دژه‌نن، به‌لێ هه‌كه مۆزیكژه‌ن ئه‌كادیمی بیت دێ گه‌له‌ك باشتربیت، ژبه‌ركو زانینا نوتێ دبیته رێكه‌ك مرۆڤ مۆزیكێ بژه‌نیت گۆت: مۆزیكژه‌نێ راست و دروست دڤێت خۆدان رێزو ره‌وشت بیت و گرنگیێ ب كه‌سانێن به‌رامبه‌ری خوه بده‌ت، چونكو ئه‌و دشێت ب مۆزیكێ كه‌سانێن به‌رامبه‌ری خوە ئارام بكه‌ت و ئه‌ز دو ئامیران دژه‌نم و گه‌له‌ك جاران ده‌مێ ژه‌نم هه‌ست ب خۆشیێ دكه‌م هزردكه‌م یا چوویمه جیهانه‌كا دی، ژبه‌ركو مۆزیك زمانه‌كه هه‌موو كه‌س حه‌زژێدكه‌ن و هه‌ست بخوەشیێ دكه‌ن.
