مۆزەخانەک دێ بۆ ئەحمەدێ نالبەند دھێتە ڤەکرن
ئەڤرۆنیۆز، سالار دۆسکی
رێڤەبەریا گشتی یا رەوشەنبیری و ھونەری دێ گورێ ھەلبەستڤانێ کوردێ مەزن ئەحمەدێ نالبەند نووژەن کەت و دیسان پشتەڤانە ل سەر چێبوونا موزیەخانەکێ ب ناڤێ وی و تێدا ھەموو بەرھەم و تشتێ گرێدایی ژیانا وی بھێتە پاراستن.
رێڤەبەریا گشتی یا رەوشەنبری و ھونەری ل پارێزگەھا دھۆکێ د پەیچێ خوەیێ فەرمیێ فێسبووکی دا ئاماژەکریە وێ چەندێ کو چەندین گەنجێن گوندێ خشخاشا سەردانا رێڤەبەریا ناڤبری کریە و ل گەل ئەیوب رەمەزان رێڤەبەرێ گشتی کومبووینە و ئەڤە پشتی رێڤەبەریا ناڤبری پێشتر دیارکر بوو کو دێ گورێ ھەلبەستڤانێ مەزنێ کورد (ئەحمەدێ نالبەند) نووژەن کەن.
دیسان ھاتیە کو ئەوان گەنجان خواستیە مۆزەخانەکا تایبەت ب بەرھەم و پێدڤیێن ھەلبەستڤانی ڤە بھێتەڤەکرن و رێڤەبەرێ رێڤەبەریا گشتی یا رەوشەنبیری و ھونەری ل پارێزگەھا دھۆکێ پشتەڤانی بۆ ڤی پرۆژەیی دیارکریە، ب ھەموو رێکان و ئەنجامدانا ڤی کاری ب خزمەت بۆ مللەتێ کورد ل قەلەم دایە، ئەحمەدێ نالبەند ب ملکێ ھەموو گەلێ کورد زانی و نەبتنێ دەڤەرێ.
