مۆزەخانەیەكا پەروەردەیی ل ئاكرێ هاتە ڤەكرن
رەمەزان زەكەریا:
دوهی رۆژا ئێكشەمبی 21/9/2025 زەنگا سالا نوو یا خواندنێ ل هەرێما كوردستانێ هاتە لێدان و ل سنۆرێ پەروەردەیا ئاكرێ ل قوتابخانەیا ئاكرێ یا بنەرەت رێورسمێن دەسپێكرنا سالا نوو یا خواندنێ ب رێڤەچوون و زەنگا سالا نوو یا خواندنێ هاتە لێدان و مۆزەخانەكا پەروەردەیی هاتە ڤەكرن.
رێڤەبەریا پەروەردەیا ئاكرێ مۆزەخانەكا پەروەردەیی ڤەكر و تێدا كەرەستە و دەستنڤیسێن پەروەردەیی یێن قوتابخانەیا ئاكرێ یا بنەرەت نیشادان.
دیسا درێورەسمان دا پێشانگەهەكا تایبەت ب پرۆگرامێ خواندنێ هەر ل سالا 1920 هەتا 2025 هاتە نیشادان و مۆزەخانەیەكا پەروەردیی د ناڤ قوتابخانێ دا هاتە ڤەكرن و تێدا هەژمارەكا بەرچاڤ یا پرتووك و كەرەستەیێن پەروەردەیی هاتنە نیشادان، قوتابخانەیا ئاكرێ بنەرەت ل سالا 1920 هاتیە دامەزراندن و هەموو بەرهەم و كەرەستەیێن سەردەمێ بەرێ هاتینە پاراستن د ناڤ مۆزەخانەیەكێ دا.
