مۆسیالا: خالا هێزێ یا بایرن میۆنخێ ڤەگەڕیا
جەمال مۆسیالا یاریزانێ هێلا ناڤین یێ یانەیا بایرن میۆنخ دیار كر یارییا شەمبییا بۆری بەرانبەر لایبزیك خالا هێزێ یا ڤەگەڕیانا تیما خوە دا زانین، سەرباری وەكهەڤییا وان ب دو گۆلان ژ چارچووڤێ گەڕا شەشێ ژ خولا پلا ئێكا ئەلمانیا یا تەپا پێی.
مۆسیالا بۆ تۆرا سكای یا ئەلمانی گۆت: د نیڤا ئێكێ دا مە ئەركێ خوە ب زەحمەت لێكربوو، بۆ نیڤا دویێ شیاین ب هێز ڤەگەڕین دو گۆلان ل دووڤ ئێك بینن و وەكهەڤی ژ یاریگەها لایبزیك دەركەڤین، ژبلی ئەنجامی دڤێ یاریێ دا خالا هێزێ یا ئەم پێدڤی ڤەگەڕیا تیمێ، مە كۆمەكا یاریزانێن خودان شیان هەنە و باوەریەكا مەزن پەیداكر تایبەت هێرشبەر و گۆلكەرێ تیمێ هاری كین، ئەڤ ڤەگەڕیانە گەلەك یا ب مفایە بۆ یارییا سێ شەمبی ژ چارچووڤێ چامپیۆنز لیگ بەرانبەر كۆبنگهام، مە دو ئارمانجێن مەزن هەنە خولا ئەلمانیا و چامپیۆنز لیگ و رژدین ب گەهینێ.
