مۆكێت بۆ 40 مزگەفتێن دەڤەرا ئامێدیێ هاتە دابینكرن
ئامێدیێ، مەحمود نهێلی:
ل سەر داخوازیا هەژمارەكا مامۆستایێن ئایینی، ب رێیا فەرماندە مەنسور بارزانی مۆكێت بۆ 40 مزگەفتێن دەڤەرا ئامێدیێ هاتە دابینكرن.
بەرەڤان حەمدی، بەرپرسێ لقێ 18 یێ پارتی د رێورەسمێن بەلاڤكرنا مۆكێتی ل سەر مزگەفتێن دەڤەرێ دا دیار كر، جەنابێ سەرۆك بارزانی وەكو دیاری و ب ڕێیا فەرماندە مەنسور بارزانی، قەبارەكێ مەزن یێ مۆكێتی بۆ هەژمارەكا بەرچاڤ یا مزگەفتان دابینكریە و گۆت: «پشتی هەژمارەكا مامۆستایێن ئایینی ئەو داخواز كری، خوشبەختانە نەه هزار مەترێن دوجار بۆ مزگەفتێن دەڤەرا ئامێدیێ گەهشتنە بارەگایێ لقێ 18 و ب دو قووناغان ب هەماهەنگی و ل گەل ئەوقافا ئامێدیێ ل سەر 40 مزگەفتێن پێدڤی هاتنە بەلاڤكرن».
ناڤهاتی گۆتژی: «ئەم بناڤێ خەلكێ دەڤەرێ سوپاسیا فەرماندە مەنسور بارزانی دكەین، ژ بۆ دابینكرنا موەلیدێن كارەبێ بۆ چەندین گوندان و هاریكاریا باشتركرنا ڕەوشا مزگەفتان ب دابینكرنا مۆكێتی و چەندین پێدڤیێن دیتر».
بەرپرسێ لقێ 18 خویا ژی كر كو ئەڤ پرۆسە بۆ هاریكاری و پشتەڤانیا تەخ وچینێن جودا دێ یا بەردەوام بیت و ئارامی و ئاڤەدانی و خزمەتگوزاری و پڕۆژە بەردەوام دێ بەرەڤ باشتر و زێدەبوونێ ڤە چن.
