مۆلەتا هاژۆتنا تەکسیێ بۆ فەرمانبەران هاتە درێژکرن
ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ بریار دا کو مۆلەتا هاژۆتنا تەکسیێ بۆ فەرمانبەران هەتا مەها ئیلۆنێ یا ئەڤسالە بهێتە درێژکرن.
ئەو یەک د دەمەکێ دایە کو بەری نها ب فەرمانا وەزارەتا ناڤخوە بریار هاتبوو دان کو فەرمانبەرێن گەلەک وەزارەتان نابیت شوفێریا تەکسیان بکەن، لێ پشتی گەلەک شوفێران گازندێن خوە گەهاندینە پەرلەمانێ کوردستانێ و پەرلەمانی ژی دووڤچوونا بابەتی کری ئەڤرۆکە وەزارەتا ناڤخوە مۆلەتا هاژۆتنا تەکسیان بۆ فەرمانبەران هەتا مەها ئیلۆنێ یا ئەڤسالە درێژ کریە.
