مۆنتاژا ب مۆبایلێ (سەفەری) یە
هەرهین محەمەد:
شڤان ناسر، مۆنتێر ل ئاژانسا خانی، د دیدارەكێ دا بۆ رۆژنامەیا ئەڤرۆ گۆت: هەر سال جارەكێ نووكرن بۆ پرۆگرامێن مۆنتاژی دهێنەكرن، وەكو رێكێن ب ساناهیكرنێ دهێنە زێدەكرن و بۆ باشكرنا كۆلیتیێ ژلایێ رەنگ و وێنە و دەنگی ڤە دهێتەكرن و ل گەل وێ گۆهۆڕینێ ژی هەتا رادەیەكی شیاینە خوە ل گە ل بگۆنجینین و دبیت هندەك ژوان ژی هەبن چو پێزانین ل سەر گۆهۆڕینان نەبن و دوڤچوونا نوویاتیان نەكەن، بەلێ یا دروستر دبینم مۆنتێر بەردەوام ل گەل گۆهۆڕینێن سەردەم بیت.
هەروەسا گۆت: نوكە دو جۆرێن مۆنتێران هەنە، یێ ئێكێ ب رێیا كۆمپیۆتەری و یێ دویێ ب رێیا تەلەفۆنێ مۆنتاژێ دكەت، بەلێ دبینم ئەو مۆنتاژا ب تەلەفۆنێ دهێتە كرن نەیا دروستە و شیانێن و زیرەكیا مۆنتێری دیارناكەت و ب مخابنی ڤە گەلەك ژ گەنجان خوە ب رێیا مۆنتاژا تەلەفۆنێ خوە فێركرینە و دبێژن ئەم مۆنتێرین و هەكە بهێنە سەر كۆمپیۆتەری نەشێن مۆنتاژێ بكەن و ئەو مۆنتاژا ب كۆمپیۆتەری دهێتەكرن گەلەكا ئاست بلندە ژلایێ كوالیتیێ ڤە وەكو دەنگ و رەنگ و دیسان ئەو تەكنیكە گەلەك یا لاوازە و دشێم بێژم ئەو مۆنتاژە یا (سەفەری) یە و ئەز و ناهێژمێرم ئەو كەسە مۆنتێر و گەلەكا گرنگە ل دەستپێكێ مۆنتێر كارێ مۆنتاژێ ل سەر كۆمپیۆتەری بزانیت پاشی ب رێیا تەلەفۆنێ.
